Shillong, Jylliew 10: U Superintendent ki pulit jong ka East Khasi Hills District la pyntip ba ha kine ki sngi ar ngut ki kynthei briew kila jah na kane ka nongbah Shillong ia kaba ki dang wat mynta shano ki don.
Ki pulit kila ong ba ka Prethyna Ch. Momin kaba dang 22 snem ka rta kala jah na kane ka nongbah Shillong ha ka 9/6/2026 bad kane kaba jah ka nang ban kren ia ka ktien Hindi bad Garo.
Na ka liang ki pulit ki kyntu ia ki paidbah ba lada ki don ba lap bad iohi ia ka kin pyntip sha kine ki number Police Control Room 6009196479, pyntip sha u ophisar ba dei peit ia ka Laitumkhrah Police station 8974952596 bad sha ka tnad ba peit ia kiba jah 8837282114.
Kawei pat kaba jah ka dei ka Bobby Dorjee 42 snem ka rta kane ruh kala jah na kane ka nongbah Shillong naduh ka 2/5/2026 bad na ka liang ki pulit ki kyntu ia ki paidbah ba lada don kiba ioh kin pyntip sha ki pulit.
Na ka liang ki pulit ki kyntu ia ki paidbah ba lada ki don ba lap bad iohi ia ka kin pyntip sha kine ki number Police Control Room 6009196479, pyntip sha u ophisar ba dei peit ia ka Laban Police station 9362855502 bad sha ka tnad ba peit ia kiba jah 8837282114.
