Shillong, Nailur 1
1: Ka general meeting jong ka West Jaintia Hills District Congress Kaba la long mynta ka sngi ha Jowai, ban ioh ia ka ki nongkitkam thymmai jong ka West Jaintia Hills District Congress Committee, kaba la Khlieh da u Bah Andrew Shullai, MDC JHADC, Kum u President.
Ha katei ka jingialang la ioh jingkren na u Prof RC Laloo, MLA barim na Jowai, u Bah Vincent Pala, MP, Working President MPCC, u Bah John F Kharshiing, General Secretary, MPCC ba dei peit ia ka Jaintia Hills, ki MDC, ki President na ki Block bapher bapher halor kumno ban pynkhlain ia ka Seng Congress bad ban pynkhreh ia ka MDC Election 2019.
Shuh shuh katei ka jingialang ka la rai ban leit buh ia ka dorkhast sha u President Ri India, lyngba u Deputy Commissioner, West Jaintia Hills District, ha office treikam Jong u DC ba un phah lem ia katei ka dorkhast kaba dawa na ka Sorkar BJP kaba synshar ha Ri India ba kan mynjur ban thung ia ka Joint Parliamentary Committee ka ban tohkit ia ka jing ai contract ka tnad Defence kaba la thied ia ki jet ialeh thma kiba rem dor ha ka dor 1670.70 crore kawei ka jet katba la ioh jingtip ba ia katei ka jet ialeh thma ka juh ka company ka la tyrwa ha ka dor 526.10 crore kawei ka jet.
La suba jur ba ka don ka jyrsieh bam sap na ka tei ka jingthied ia ki 36 tylli ki jet bad kumta katei ka dorkhast ba phah Sha u President ka long ban dawa ia ka joint parliamentary Committee kaban toh kit bad khot hajir is baroh kiba don kti ha katei ka Kam bam sap.
Ha katei ka jingleit ai dorkhast ba la ialam da u Bah Andrew Shullai, MDC bad ki para MDC la ia don Lang u Bah Vincent H Pala, MP, Working President MPCC, u Bah John F Kharshiing, General Secretary, MPCC ba dei peit ia ka Jaintia Hills, ki President na ki Block bapher bapher.
