Shillong, Iaiong 10: Ha Meghalaya dei tang ka East Khasi Hills District kaba don ar tylli ki skul JNV, kawei ha Mawphlang bad kawei ha Mawsynram, kaba ha Mawphlang ia ki khynnah skul la dep ban pynkynriah sha ka jaka bala dep ban trei, katba ha Mawsynram ka jingtrei k dang iaid sha khmat.
U Deputy Commissioner ba dei peit ia ki skul JNV ha kane ka thain shatei lam mih ngi jong ka Ri India u K V Suresh, u la ong ba u la iakren bad ka MGCC ban bthah ia u kontrator ba pyntrei ia ka JNV ha Mawsynram ba wanrah buh shuh ki nongtrei da kaba pynbiang ia ki syrnot ba ki lah ban wan trei.
Ka jingtei ka ka skul JNV ha Mawsynram ka la dang shuwa ban sdang ka khlam COVID-19 kane kala pynsuki ia ki jingtrei hynrei mynta ba kane ka jingkhang kam don shuh ki nongtrei ki dang duna na ka liang jong ki bor pyniaid ka JNV na duh Delhi ki kwah ban iohi ban pynsted ia ka jingtrei.
Kumba ka long mynta ia ki khynnah skul JNV ha Mawsynram la pynsah ia ki ha ki iing jong ka Mawsynram Block bad kane kala buh jingeh ia ki samla pule bad mynta ki kwah ba ka MGCC kaba pyntrei kam bthah ia u kontraktor ban pynkloi ia ka jingtrei ba ki khynnah pule kin ioh ban leit noh sha katei ka jaka sah ba pura.
