Shillong, Jylliew 08: U Returning Officer ba dei peit ia ka elekshon ban jied ia u MP sha Rajya Sabha na ka jylla Meghalaya kaba don tang kawei ka seat u Malthus Sangma u la iathuh ba la ioh pdiang tang kawei ka kyrteng ba la wan ban thep kyrteng u James PK. Sangma na ka NPP.
Mynta ka sngi ka dei ka sngi khatduh ban thep kyrteng bad ka jingbishar bniah ia ki kot thep kyrteng kan long lashai ka sngi 09/Jylliew/2026 bad ka sngi ba khatduh ban weng na ka lympung jingiakhun ia ka elekshon sha Rajya Sabha kan long ha ka 11/Jylliew/2026.
Katkum ka por ba la buh bad ka elekshon kan long 18/Jylliew/2026 ha kane ka jylla Meghalaya bad ki nongthep vote ki dei tang ki nongmihkhmat sha ka iing dorbar thawain ka jylla, na ka daw ba ym don ba thep kyrteng haduh ba kut ka por thep kyrteng ka don tang jong u kyrtong ka NPP.
Ki jingbishar bniah ia ki kot thep kyrteng kan long lashai ka sngi bad hadien ba la dep ban bishar bniah ia ki kot ki sla u James PK. Sangma u la long u nongjop ia kane ka elekshon MP sha ka Rajya Sabha na ka jylla Meghalaya bad ha ka sngi thep vote kan long ban pynbna ia ka kyrteng jong u ka jinglong nongmihkhmat sha Rajya Sabha ka long 6 snem lynter.
