Shillong, Kyllalyngkot 13: Mynta ka sngi u Pa,im Ainam Syiem la leit ban thep kyrteng ia lade ban ia khun ia ka elekshon Syiem hapoh ka Hima Mylliem, ia ka kot thep kyrteng la thep ha kamra jong u Joint Secretary hapoh jong ka Khasi Hills Autonomous District Council.
Haba kren ha ki lat pathai khubor ha dien bala dep ban thep kyrteng, u Pa,im Ainam Syiem u pynpaw ia ka jingkyrmen ba kumba kila ia trei lang ha kine ki khyndiat por ba u long Acting Syiem khmih lynti ba ki myntri ki basan bad lyngdoh kin ai ka jingkyrshan.
La iathuh kumba ka long mynta ka hima ka don 48 ngut ki nongjit ia u Syiem ba pura ka Hima Myllime, na kitei kiba dang don mynta kiba lah ban jied ki don 41 ngut, kiwei ki dei kiba la khlad kaba ka hima kam pat ioh.
Ha kane ka sngi kiba la leit ban synran lang ia u Pa,im Ainam Syiem ha kane ka jingleit thep kyrteng ki long ki Myntri ka Hima, ki Basan bad Lyngdoh, kiba ha iing ha sem ki riew rangbah jong ka hima kila ia don lang.
