Shillong, Naitung 19: Ka kong Hill Sumer na ka shnong Muktapur kaba hap ha West Jaintia Hills District kala ujor sha ki pulit ka Muktapur Police Petrol Post ba u khun jong ka u bah Kwis Sumar u la jah naduh 10/Naitung/2026.
Katkum ka jingujor ejahar ka kmie sha ki pulit ha ka 15/Naitung/2026 kala thoh ha ka eajahar ba u khun jong ka u mih na ing ban ia kynduh ia u Sanu Lamare ba dei na ka juh ka shnong bala trei sha Karnataka ba kin ia leit treilang bad u.
Ka kmie kala iathuh ha ki pulit ba kala ioh ban kren bad la u khun da ka phone haba la don ha Bangalore ha dien katta kam shym ioh ban ia kren shuh bad la u khun, haba phone ka phone ka pah hynrei ym don na shim ia ka ban jubab.
Na ka liang jong ka kmie kala ai ia kane ka jingujor ban wat ha ei u don bad u number dei 8837474863, na ka liang jong ka kmie kala batai ruh ia ka ryngieng ryniot jong khun ban tip bad ban lap ia u ha ei u don.
