New Delhi, Jylliew 07: Ka tnat Telecommunications (DoT), North East Licensed Service Areas (LSA) kan pynlong sa kawei ka jingialang halor ka Prime Minister’s Wi-Fi Access Network Interface (PM-WANI) ha ka por 11:30 mynstep ha ka 21 tarik u Jylliew, 2023. Ka jingthmu ka dei ban kyntiew ia ka jingtip shaphang kane ka kam hapdeng kito kiba lah ban iashim bynta ha ka.
Ka PM-WANI jong ka DoT ka dei ka sienjam ba la ioh jingmynjur na ka Kynhun Myntri Sorkar Pdeng ba khlieh duh da u Myntri Rangbah Duh, u Narendra Modina ka bynta ka jingpynbun ia ka internet broadband lyngba ki rynsan Wi-Fi paidbah.
Kane ka skhim ka pynsuk ban trei ha ki kam khaii bad ka pynshlur ia ki dukan ba rit bad ki jaka trei kiba rit ba kin long ki nongpynbiangWi-Fi Hotspot – Public Data Office (PDO). Kine ki dukan bad ki jaka trei ba rit haba ki long ki PDO ki lah ban ioh jingkamai shuh shuh na ka jingdie ia ka internet khlem da donkam ioh jingbit, kyntiew kyrteng ne kanokano ka jingsiew ia ka DoT.
Ki PDO kiba la don lypa, kito kiba kwahplie PDO bad ki briew baroh ki lah ban pynsngew ka jingkwah jong ki ba kin iashim bynta ha kane ka jingialang lyngba ki lad online bad ki lah ruh ban ai jingmut sha ka adett.nelsa-dot[at]gov[dot]in ha kaba iadei bad kane. Ia ka link na ka bynta ka jingialang yn sa sam bad kito kiba kwah iashim bynta ynda la dei ka por.
