Shillong, Risaw 18: Ki pulit jong ka Mawsynram ki la kem ia u Andy Blah halor ka jingkynnoh ba u la thang ia ka ophis jong ka MeECL kaba don ha Mawsyram ha kine ki sngi ba don ka jingiakhih ILP.
Katkum ka jingiathuh jong ki pulit ki la ong ba u Bah Andu u ba trei ha katei ka ophis u la thang ia ki kot ki sla na ka daw ba u la pyndon kam bakla ia ka pisa jong ka ophis kaba dei ka bai light kaba la lum na ki paidbah.
Ka jingthmu jong u ban thang ia ki kot ki sla ka long ban pynjah ia ka sabut ba u la dep ban pyndon kam bakla. Na ka liang jong ki pulit ki la ong ba da ka jingioh kem ia u kane ka jingshah thang ophis ha katei ka jaka ki la lap ia ba leh ia kane ka kam.(SP News)
