Jowai Naitung 12: Ki ar tylli ki Seng bhalang na ri lum jaintia hadien bala iathir jingmut lang ki la dawa na ka sorkar u Mukul Sangma ban siew mar katjuh ka jingsiew sha ki longing kiba la duh noh iala ki ba ieit bathoin haka jingshah ring haka bor ding electrict ha East Jaintia Hills ha ki ne ki sngi ba la dep ha kaba haduh 7 ngut ki mynsiem ba kordor ki la khlad hashen,
Ka jingiap jong ki ne ki mynsiem ba kordor dei ka jingsngewsih kthangbad ka jingduh ka ba khraw ia kine ki longing longsem bad kumjuh ia ka thain hi baroh kawei, kaba la pynkyndit bad pynpar niangkhriat ia ki
nongshong shnong jong ka jylla ha kaba ym ju kham ioh sngew koit la ong ki ne ki nongialam ba kham paw ha ka Jaintia.
Kumta halor kane ka jingjia ba sngewsih, na ka liang kine ki ar seng ki dawa na ka sorkar jylla ban pynkloi noh ia ka kaiphod jingtohkit halor kane jingiap kine ki 7 ngut ki mynsiem ha kane ka 25 tarik u bnai june 2013 haka jingshah bat haka bor ding, khnang ba ki paitbah jong ka jylla kin tip ia ka jingshisha baroh, ym ban shu shong sah hapoh jongka um dum khlem da tip tikna ia ki jingshisha baroh, la ka dei shisha na ka daw ka jingleh torti jong ka MEeCL ne ka ei pat la kylli u Samla R.Parien President ka JSU Sengkmie.
Ha ka ba ia dei bad ka jingsiew jong ka sorkar sha ki longing kiba la duh ia ki ba haing hasem na ka jingjia bym poi pyrkhat ngi dawa na u Myntri Rangbah ka sorkar Jylla Dr.M.Sangma ban siew mar katjuh Rs.3
lakh tyngka kum ba siew lang ia ki longing ba ngat ha kum kane ka apot ha ki thain Garo ym ban leh shiliang khmat ong u Bah P.Majaw President ka JYF.
Ki nongialam jong kine ki ar tylli ki Seng kila krenshai ba lada ka sorkar ka pyni iaka jingniew shilliang khmat ha kaba ia dei bad kane ka bynta na ka liang jongki kin iaid da kiwei pat ki lynti.(SP News)
