Shillong, Nailar 21: ka state executive meeting jong ka State Bharatiya Janata Party (BJP) ka la long mynta ka sngi ha kane ka nongbah Shillong ban ia kren halor ka election 
MP kaban san sha ka Lok Sabha bad ha ka juh ka por ia ka MDC election sha ki lai tylli ki District Council ha ka jylla kaban long ha u snem ban wan.
Ha ka jingkren jong u president u Bah Khlur Sing Lyngdoh u la kynthoh pyrshah ia kane ka sorkar congress ha ka jylla Meghalaya ba km shym leh ei ei na ka bynta ki lad ioh kam ioh jam jong ki samla ha kane ka jylla. Ha ka juh ka por u la ong ba ka ioh ka kot ha ka ri ha kine ki sngi la hiar sha ba palat pud.
La kynthoh ruh ia ka jinglong jingman jong ka shong suk shong sain ha kane ka jylla kaba la bun sa tang ki kam sinew suda bad khamtam lei lei ha ki bynta jong ki Ri Lum Garo.
Ha kane ka jingialang u la ong ba kum ka seng ka dei ban pynkhreh ia lade na ka bynt aka election kaban sa wan bad ia kane la bthah ruh da u president jong ka seng ba ha khliehduh ha ka jingialang jong ka party kaba long ha Goa.
Ban pynkhlain ia ka seng la shim ia ka rai ba ynda la kut kane ka por slap kin leit sha kylleng ki shnong jong ka jylla Meghalaya ban ia kynduh ia ki paidbah bad ban ia shem ia ki ban ia kren ia ka jingeh ka jong ki kaba ki ia kynduh man ka sngi.(SP News)
