Shillong, Nailar 10: U Genenral secretary jong ka All India Congress C
ommittee (AICC) U Luizinho Faleiro u la ong “ Kam lei lei lada ki don ka jingpher jingmud ruh, hynrei ka kyntien phira, ka long ka jingiatylli, jinglong ryntih bad ka jingtrei shitom”
Haba kren ha ki nongthoh khubor hapoh Congress Bhavan ha Shillong, u tei u nongialam jong ka AICC ba dei peit ia ka jylla Meghalaya, u la ong ba ka jingiapher jingmud ka dei kawei na ki bynta ha ka synshar paidbah namar ka seng congress ka dei ka seng kaba but ia ka synshar paidbah. Hynrei ym shym la batai shai.
U la ong ba na ka liang jong ka president jong ka AICC ka Sonia Gandhi bad u Vice President u Rahul Gandhi, ki kwah ban iohi ba ia ki skhim pynroi jong ka sorkar, la ka dei jong ka sorkar pdeng ne sorkar jylla dei ban pyntrei bha.
Ki paidbah ki khmih lynti ia kaei kaba ki angnud dei na kane ka daw ba la buh ia ka committee ban peit ia ki kular election ba dei ban pyntrei kam ia ki, ia kane ka committee la btah ba kin don haduh ki jylla ruh kumjuh.
Haba jubab ia kiwei ki jingkylli u tei u nogialam jong ka AICC u la ong ba ka sorkar kaba la ialam da ka seng Congress ha kip or kiba la leit ka lah ban pass ia ki billkum ka Right to Information Act, Right to Education bad ha kane ka kynti kaba mynta ruh ki kyrmen ba ki lah ban pass ia ka Food Security Ordinance kaba la don mynta hapoh parliament.
Kane ka long ka jingwan kaba nyngkong kum u General Secretary jong ka AICC ha dien ba u la shimti ia kane ka kam kum u ba dei peit ia ka jylla Meghalaya. Ha kane ka sngi u la don baroh shis sngi ha Congress Bhavan ban ia kynduh ia ki nongtrei party
Kaei kaba u vice president jong ka seng seng u kwah ka long ba dei ban pynkhlian ia ka seng haduh ki shong ki thaw bad u ngeit ba ka jingkhlain jong ka seng Congress dei ha ka jingkhlian jong ki shnat trei kam jong ki ha ki shnong. La ong u Faleiro.(SP News)
