Shillong, Rymphang 17: Ki Custom kiba don ha Dawki ha ka sngi thohdieng kila ioh ban kurup 122 kilo u dieng Akor na kawei ka kali kaba shallan mar sha Bangladesh. Ka dor jong kine ki dieng Akor kiba la song bha ha ki byrni ka la kot sha ka T.22 lak tyngka la ong ka khubor jong ki custom.
Katkum ka jingiathuh na ka tnad preventive jong ki Custom na Shillong, la ong ba u trai jong kine ki dieng Akor kiba la mud ban shallan sha Bangladeh u dei u Abdul Muhit na Hojai na ka jylla Assam. Na ka liang jong ki Custom kim shym pat ioh ban kem ia u tei u briew haduh mynta ka sngi.
Katkum ki tyllong khubor kiba la ioh na ka tand preventive jong ki custom ki iathuh ba ia kine ki dieng kiba la song bha la thep ha ki borni bad pynkit ha ka trok ba kit ia ki soh ban shallan sha Bangladesh.
Kane ka dei ka sien kaba nyngkong ba ki custom kila ioh ia kane ka jingtip ba ka la don ka jingshallan tuh ia ki dieng Akor na kane ka thain shatei lam mih ngi jong ka Ri India sha Bangladeh bad ka jingioh kem ia kine ki ding Akor kan dang plie lad ia ki custom ban lap ia ki kam khaii tuh kiba la buhrieh ha ka dur jong ka Export.(SP News)
