Shillong Nailur 12:U Deputy Commissioner (supply) jong ka East Khasi Hill District u la ong ba la don katto katne ngut naki nong sam khaw rashon hapoh ka District kiba la buh da ka sngi ban sam ia u khaw bad kane ka long tang ha ki khyndait sngi
Kane ka jingbuh sngi ka long ba lada kim lah ban leit shim ha kitei ki sngi kiba la buh ki la duh noh ia u khaw wat ia kaba dei hok ka jong ki nongioh ia u khaw rashon.
Na ka liang jong ka ophis jong u Deputy Commissioner u la ong ba kane ka jingbuh sngi ka long pyrshah ia ain sorkar bad na ka liang jong u DC u la maham tyngeh ia kito kiba sam kham rashon ba kin nym buh sngi bad lada ki dang leh ha kane ka rukom yn pynshitom ia ki katkum ka ain.(SP news)
