Shillong Nailar 19: Ka kur Ma.mong Manda Mahari Ku-monggrikani haba kren halor ka jingpynmih khubor ha kawei na ki kot khubor Garo bad kawei na ki kot khubor phareng kaba la ong ba dei ba la pynlait ia ka khubor da ka seng All North East Indigenous Garo Law Promoter Asmclaoon (ANEIGLPA), Williamnagar, East Garo Hills, na ka liang jong u Genenral Secretary jong ka tei ka kur u Lonerson Ch Marak u la pynshai ba u Dr Mukul Sangma u dei u Garo bad u la ong ba kiti bha ia kane namar la register bad ka kur.
Ha ka jingialang jong ka kur Ma.mong Manda Mahari Ku-monggrikani kaba la long ha ka 13 tarik Naitung jong u bnai ba la dep ha Tura ha kaba la wan ban ia shim bynta da ki 27 tylli ki shnat kur ki la pynrem jur ia ka jingkynnoh jong ka ANEIGLPA pyrshah ia ka jingioh schedule certificate jong ki myntri rangbah kajylla.
Ka Ma-Mong-Manda Mahari Ku-monggrikari katip ia u Dr Mukul Sangma naduh ki kmie ki kpa jong u ka jaka sah bad ka shongkha shongman haduh kane ka kynti kaba mynta la iathuh ia u kum Manda (M) Sangma. Ka kur ka tip ba kumno Binoy Bushan M. Marak u ia poi khas bad ka (L) Roshanara Begum kiba dei ki kmie kikap jong u ha kaba la pyniathoh ha ka shnong Murchapani da u pastor Asin D Shira.
Na ka liang jong ka kur ka ong ba kane ka jingleh baroh ka dei tang ban pynbudnam ia u Dr Mukul Sangma, na ka liang jong ka kur ka ong ba baroh ki hynmen ki para jong u ruh la pyneh pynsah hapoh ka kur kajiad Manda bad baroh ki certificate ruh la ithuh ia u kum u Mukul M Sangma bad kitei ki schedule tribe.(SP News)
