Tura/Ampati, Risaw 18th : ka jingiaid cyclothon ba iaid da ki baiskil kaba 
nyngkong na Tura sha Ampati kaba jngai kumba 43 Km ka la long kaba jop mynta ka sngi wat hapdeng ka jingdon ka pakhang shnong kaba la khot da ki seng kiba dawa ia ka ILP ha kane ka jylla.
Ia kane ka jingiaid paidbah da ki baiskil la pynlong da ka William Initiative da kaba ia treilang bad ka Northern United Club lem bad kibor sorkar jong ka West Garo Hills bad ka South West Garo Hills ia ka jingsdang la khaweh lama da u myntri ka tand ialehkai u Zenith M Sangma.
Baroh ki nongiashim bynta ha kane ka jingiamareh ki long 400 ngut, la sdang ia kane ka jingiamareh ha ka por 7 baje mynstep na Madan Law College, ka pakhang shnong kaba 12 kynta kam shym la pyntieng ne pynsmiej ia ki ba leit ban ia shim bynta bad u SWGH, Ram Singh u la long u wei na ki nongiashim bynta.
Ha dien ba la dep ban khaweh lama u myntri ka tnad ia lehkai u Zenith Sangma, u la ong ba kane ka long tang ka jingsdang kaba ka sorkar ka kwah ban ailad ia ki samla ba kin ia shim bynta ha kip or ban dang wan. U la ong ba dei ban pynshlur ia ki paidbah ban iada ia ka maraing.
U Daryl W Momin, President jong ka William Initiative u la ong ba ka dei ka thong ka jong ki ban ialeh katba lah ban pynlong ia ka tei ka thain ba kin sngewthuh ia ka jingdon kam ban pynneh pynsah ia ka mariang namar ka long kaba don kam ia baroh.
Ia ki nongjop ha kane ka jingiamareh la sam da u myntri rangbah u Dr Mukul Sangma ia ka khusnam. U ban wan ba nyngkong la ai T50000/- u ba ar T.20000/- bad u ba lai la ai T.10000/- tyngka. Ha ka jingkren jong u myntri rangbah u la ai ka jingiaroh ia ka seng kaba la lam lynti kumno ban pynneh pynsah ia ka mariang. Ki nongiashim bynta ym tang ba ki pynkhein ia ka pkhang shnong shnong.(SP news)
