Resubel para, Naitung 24: Ka North Garo Hills District kan sa dap shi snem ha ka 27 tarik mynta u bnai . Kum ka jingsah kynmaw ia kane ka sngi ka District baroh kawei kan sa rakhe ia kane ka Foundation Day ha katei ka sngi .
Haba kren ha u SP News Agency u Deputy Commissioner jong kane ka District u bah W Khyllep u la iathuh ba na ka liang ka jong u u la dep banbthah ia baroh ki tnad sorkar kiba la don la ki jong ki ophis hapoh jong ka District ba kin pynitynnad ia ki ophis ha kane ka sngi.
Na ka liang jong ka District ki khmih lynti ba u myntri rangbah ka jylla u Dr Mukul Sangma un plie ia kane ka jingrakhe dap shi snem jong ka District ha kaba kiwei ki nongialam kin don lang kum u SC Marak badkiwei kiwei. Katkum ka programme ba la pynbeit u myntri rangbah ka jylla un long u kongsan.
Ha kane ka sngi u myntri rangbah u plie ruh ia ka “ Green movement for youth”. Ha kane ka sngi ki don bun ki jingialehkai bad ki jingpud jingtem ban pynshonghit ia kane ka sngi.(SP News)
