Shillong, Naitung 26: Pakhang lynti ki paidbah ka shnong Mawsikar ia ki bike kiba don kumba 60 ne 70 tylli bad ar tylli ki kali Bolero kiba wan na Assam ba thmu ban rung da Kabir hapoh shnong.
Na ka liang jong ki pulit kila ioh ia kane ka jingpyntip ha ka por shiteng sngi bad mar ia ioh ia kane ka jingtip kila leit bran bran sha katei ka jaka ban khanglat ia kane ka jingwan rung ka jong kine ki briew ba wan da ki bike sha ka shnong Mawsikar ka ba hap ha Langpih.
Na ka liang jong ki bor ba dei peit ia ka District Administration jong ka West Khasi Hills District hapoh ka jingialam jong u ADC u PD Sangma ryngkat bad u sub-Divisional Police Officer, Mawshynrut u bah I. Kharkhongor, MPS kila leit mar mar sha Langpih ban peit ia kane ka jingjia.
Hal or kane ka jingjia ki pulit bad ki Magistrate ba don ha hyrdop Langpih kila ioh bat hyneiew ngut ki briew namar ki shang kylleng kylleng katei ka thain bad la ong ba kine ki briew ba shang ha Iew Langpih ki dei na ka kynhun jong kito ki bike ba wan kiew sha Mawsikar bad la phah noh ia ki namar ba khlem pat shah ban iarung na kawei ka jylla sha kawei pat.
Kine ki bike kila mih noh na Mawsikar ha ryngkat ka jingsynran ki pulit Assam, kumba ka long kane ka jaka ka dei ka ba hap hapoh ka jingiakam markylliang hapdeng ka Assam bad Meghalaya. Halor kane u SP jong ka West Khasi Hills bad jong ka Kamrup kila ia kren halor kane.
Halor kane ka jingwan ki bike ka seng FKJGP mynsngi kala pyntip sha ki bor sorkar ba ki bike na Assam kila kiew sha Mawsikar ha kaba ki paidbah kila pakhang ia ka surok. Kane ka surok ka dei ba la shna na ka Skhim PMGSY na Assam. 
