Shillong, K. Lyngkot 11: Ki dkhot jong ka Federation of Khasi Jaintia Garo People (FKJGP) Central body ,mynta ka sngi nyngkong ki la leit ban jurip ia ki ar tylli ki Solid Waste Manangement Machine ha Marten hadien ban a ka liang ka sorkar jylla ka la dep ban buh ia kine ki kor la shisnem hynrei haduh kane ka kynti kam pat don kano kano ka jingpyntrei kam ia kine ki SWM machine.
Ha ba ia kren bad ki ladpathai khubor na ka liang jong u bah Dondi Khongsit u General Secretary jong ka FKJGP u la iathuh ba kane ka jingbym shim khia jong ka sorkar jylla ka la wan rah ia ka jingeh ym tang ia ki nongshong shnong kane ka thain hynrei wat ia ki nongleit nongwan ruh ha ka ba ka la long kum ka jinglehrain namar ka jingsmaiewtung kane ka jaka.
U bah Dondi u la ong ruh ba kawei na kine ki machine ka dei ka ba thang ia ki jaboh ki ba mih na ki Hospital bapher bapher ha ka ba haduh mynta kane ka machine ym pat lah ban pyntrei kam ha ka ba ki nongniah kali ki ba kit ia ki jaboh na ki Hospital un hap ban rah hi bad un hap ban thang ia kine ki jaboh da ka ba theh da ka diesel.
U la ong ba ka ne ka jingpynslem ia jong ka sorkar ban pyntrei kam ia kine ki machine ka buh ia ki nongniah kali kit nuit na ki hospital hapdeng ka jingma ka ba khraw namar ba wat ia ki PPEs bad ki tiar ki ba ki la pyndonkam na ka bynta ka khlam Covid -19 ruh yn hap ban shim bad ban thang da ka diesel .
U la ong ruh ha dien u snem 2017 lyngba ka skim Northeast Capital Cities Investment Programe ha ka ba ki la sam ia ki jaka buh niut ki ba la buh ban buh ia u niut ba pyut bad u nuit bym pyut, khnang ban lah ban bret sha ki trok ki ba wan shim na ki shnong.
Hynrei hadien ka jingwan jurip la lap ba bun na ki shnong ki dang bret lang ia kine ki nuit lait noh tang ki jaka ki ba dei na ki thain Municipal,ha ka ba u la kyntu ia ka sorkar ba kin pyntrei kam noh mardor ia kine ki plan ba la dep buh ha ka ne ka jaka ki ba lah ban pyniakhlad ia ki nuit ba pyut bad ki nuit bym pyut khnang ban lah ban weng ia ka jingsma kane ka jaka.
