New Delhi, Nohprah 31: Ka sorkar pdeng mynta ka sngi da ka jingioh ia ka jingmynjur na ka President ka Ri India katkum ka artikle 280(1) jong ka Riti Synsahr jong ka Ri India la thaw iaka “Sixteenth Finance Commission” bad u Dr Arvind Panagariya kum u Shnongknor kane ka committee.
Dr Arvind Panagariya u dei u symbut shongnor jong ka NITI Aayog, bad u la dei ruh u u Professor hapoh jong ka Columbia University un khlieh ia kane ka commission kum u shongknor bad u Ritvik Ranjanam Pandey un long kum u Secretary ka commission.
Kane ka ‘Sixteenth Finance Commission’ kan peit bniah bad ai ia ka jingmynjur halor kine ki phang, ka jingia sam ia ka khajna hapdeng ka sorkar pdeng bad ki sorkar jylla ha ka bynta kaba nyngkong, ka bynta ka ar ka long ban ia sam ha pdeng ki sorkar jylla bad ka sorkar pdeng katkum ka Riti Synshar jong ka Ri India na ka khajna bala ioh lum.
Ka bynta kaba ar ka long ban peit ia ka jingia kran na ka khajna kaba la ioh lum kaba dei jong ki jylla na ka pla pisa jong ka sorkar pdeng ia kaba dei ban siew sha ki sorkar jylla katkum ka artikle 275 jong ka Riti Synshar jong ka Ri India ban peit bniah katkum ki kyndon kiba la don.
Kane ka long kumno ban pynheh iaka jingkynshiew pisa jong ki sorkar jylla hapoh jong ka ‘Consolidated Fund’ ba kan iarap ia ka jingioh sha ki shnong bad ki jaka ba don municipal kiba la dep ban ai jingmynjur da ka “Finance Commission”.
Kane ka “Sixteenth Finance Commission” ka lah ban peit bniah biang ia ka jingiapynbeit ha kaba ia dei bad jingiarap ha kaba ia dei bad ka jingshah pynjot ha ka mariang ha kaba ia dei bad ka pisa kaba la mang hapoh ka Disaster Management Act, 2005 (53 jong 2005), bad ban ai ia ka jingmut jong ka halor kane.
Ka sorkar pdeng kala bthah iaka “Sixteenth Finance Commission’ ba kan pynpoi ia ka kaiphot sha ka sorkar hapoh ka 31th Risaw 2025 namar kane ka jingmang tyngka na ka bynta ki san snem ban dang wan kan long nahduh ka1st Iaiong 2026.
