Shillong, Kyllalyngkot 05: Namar ba ka jylla kala duh ia ka skhim na ka sorkar pdeng ban pynheh ia ka surok na duh 18 mer na Ranikor ha South West Khasi Hills District sha Mawplang jong ka East Khasi Hills District, u myntri rangbah ka jylla u la pynbna shuwa ka elekshon ML 2023 ba la mang pisa T.24 klur ban shna pynneh ia ka surok na Mawphlang sha Weiloi.
Shuwa ka Elekshon MLA la sdang ban pyntrei ia kane ka surok ia kaba la sdang ia ka jingtrei na Mawphlang mynta la shisnem ka jingtrei ban tih pynheh ia ka surok ka dang poi sha Rampnar haduh mynta ka sngi tang ka jingtih ban pynheh ia ka surok.
Ka jingshna ia ki kynroh ban pynheh ia kane ka surok ruh kam pat deng dang sah na Rampnar sha Weiloi, ka jingtrei kala suki bad ki paidbah ki kwah ban ka PWD ka dei ban peit ban kham pynsted ia ka jingtrei namar ka buh jingeh ia ki paidbah ka thain ha ka leit ka wan.
Ka jingsiang rong ia kane ka surok ka dang long na Mawphlang sha Wahlyngkien bad kaba dang sah ka long na Wahlyngkien sha duh Weiloi, kane ka surok ka long kaba don kam haduh katta katta namae ka pyniasoh ia ki saw tylli ki konstitwensi, Mawphlang, Mawsynram, Mawkyrwat bad Ranikor.
