Shillong, Kyllalyngkot 12: Kan long ka burom ia ka Garo Hills ba ia ka Raj Bhavan ha Tura ia kaba la plie mynta ka sngi da u Lat ka jylla u Phagu Chauhan, kan sah ka President ka Ri India ka Droupadi Murmu ha ka jingwan jong ka sha Tura ban plie ia ka 5th Meghalaya Games ka ban sdang ha ka 15th Kyllalyngkot 2024.
Kane ka jingwan jong ka President ar sngi lynter kan long ka sien kaba nyngkong ha kane ka jylla Meghalaya naduh bala sha jied kum u President jong ka Ri India, ha kane ka jingwan kan plie ia ka 5th Meghalaya Games 2024 ha Tura ka dei ruh ka sien kaba nyngkong ba kane ka jingialehkai kan long sha ki lum Garo.
Ka jingpynkhreh ha Tura ruh kala dep lut nadong sha dong ban ban pdiangburom ia ka President jogn ka Ri India ba kan wan plie ia ka 5th Meghalaya Games 2024 bad na kaliang jong ki paidbah ka Tura kila kyndeh ban ioh pdiang burom ia ka President.
Ha ka 16 tarik ka President jong ka Ri India kan ia kynduh iaki paidbah ha Madan kaba don ha Mawphlang jan ka Law Kyntang bad ha kane ka jingiakynduh ia ki pidbah la dep ban jeid na ki kynhun jong ki seng kynthei na ki shnong bapher bapher ar ngut ar ngut na kawei ka seng.
Na ka liang jong ki bor jong ka District Admisntration jong ka East Khasi Hills District kila bun ban pynhreh ia katei ka jaka ha kiba bun ki bynta, naduh ka jingsiang rong ia ka surok da ka PWD, ka jingshna ia ka rynsan, ka jingpynkhreh ia ki jaka shong jong ki paidbah kiba la shah khot ha kane ka jingialang bad ka President.
