Shillong, Kyllalyngkot 13: Kum shi bynta ka Media Tour ba la pynlong da ka Press Information Bureau hapoh kaViksit Bharat SankalpYatra, ka kynhun ki nongthoh khubor na Uttar Pradesh ka la ioh lad ban leit sha ka shnong Umden-DiwonEri Silk –kaba jngai 70 km na nongbah Shillong ha ka sngi Palei ba la dep.
Ia kane ka jingleit la pynlong hapoh ka jingpeit jong ka tnat Textile, Sorkar Meghalaya da ka jingthmu ban peit ia ka kam thain jain tynrai jong ka jylla Meghalaya.
Ki ophisarna ka tnat Handloom ki la ialam nyngkong ia ki nongthoh khubor sha ka Design, Innovation and Research Centre (DIRC) kaba la sdang nyngkong ha u snem 2022 ha ka jingiatreilang bad ka National Institute of Fashion Technology.
Kine ki nongthoh khubor ki la iohidalade ia ka jingpyndonkam ia ki jingaiei ka mariang ban pynkylla rong ia ki jaineri silk (ryndia). Ki la iohikumno la pynmih ia u ksaieri ryndia na ki khniang da kaba pyndonkam da ki kor kiba iaid da ka bording solar. Ki nongthoh khubor ki la iakren ruh bad ki nongthain jain kiba dang trei ha katei ka por ha Dyeing Shed ha ka DIRC.
Dang shen, ka tnat Textiles, Sorkar Meghalaya, ha ka jingiatreilang bad ka NEHHDC (North East Handloom & Handicraft Development Corporation) ki la sdang ia ka pilot project halor ka “Jingwanrah ia ki kam digital ha ki kam Handloom” ha ka shnongUmden – DiwonEri Silk.
Da ka jingwanrah ia ka teknoloji ba iaid da ka Artificial Intelligence (AI), yn don mynta ki QR code kiba la thain ha ka jain ban pynshisha ba kine ki jain ki dei kiba pynmih na ka Jylla bad na kane ka shnong Eri Silk.
Ka NEHHDC ka dei kaba iatreilang ha ki kam teknoloji ha kane ka projek lyngba ki mar IOT (Internet of Things) ha ki jaka pynmih jain ban pynbiang ia ki QR code bad kane kan iarap bha ban buddien ia ka tyllong jong ki jain, bad kan aibor ruh ia ki nongthied lyngba ka jingai jingtip nangno kine ki jain ki wan.
Ka shnong Umdenka dei kaba pawnambha namar ki jainEri silk bad ka jingthain ia ki jain kum ki ryndia, ki stole ha ka rukom saindur kaba kyrpang. Ban iohilutia kane baroh, kane ka kynhun ka la shang sha baroh kawei ka shnong.
Ki la leitiakynduhia ka Kong SwerlisSyngkliha ka iing jong ka ha kaba ki la shem ia ka ha ka por ba ka dang thain ia ka checked eri silk (ryndia) stole ha ka kor thain jain tynrai jong ka.
Ki la lyngngoh ba ka khun jong ka, ka RedolencySyngkli, kaba dang pule mynta ha Guwahati ban trei kum ka Lab-technician ka don ha shnong lajong namar ka Christmas bad New Year bad ba ka dang iarap ia ka kmie ban thain jaineri silk (ryndia) stole.
Ha kane ka jingleit sha ka iing jong ka Kong KilorisSyiem, ki nongthoh khubor ki la iohi ia ka jingthainjain da ki longkmie ha ki kor thain jain ba kyrpang kaba long ka kor Fly Shuttle Frame ha kaba ki dang thain ia ka eri silk lane ka ‘jainsem’ryndia.
Hadien kane, ki la leit sha Zong-Hi-l, ka jaka pynmihTmung.Hangne ki la iohi shibun ki korFly-Shuttle Frame ba pyndonkam da ki nongthain jain kiba trei ha kane ka jaka pynmih jain. La iohiia ki nongthain jain katba ki dang saindur ia ki jain da kaba peit ia ki graph ha ki mobile jong ki shuwa ba kin pynbud ha ka jain ba ki dang thain.
Hadien kane, la ialam ia kane ka kynhun sha ka shnongUmkonkaba long kawei na ki shnong hapoh ka Raid Nongtluhkaba hap hapoh ka shnongEri Silk. Ha kawei na ki iing, ka Kong Margaret Rynshonka dang bunkam ban sumar ia ki khniangeri silk ha ka iing jong ka da kaba ai bam ia ki da ki sla castor bad da kaba tap ia ki da ka jain ban pynsyiad ia ki.
Kine ki jaitkhniangeri silk ki kham shim por, kumba 2-3 bnai, ha ka por tlang ban heh ban san shuwa ba kin sop ialade da u ksai. Ha ki por lyiur, ki kloi bha ban heh ban san bad ki la kloi ban sop ialade ha kane ka rukom hapoh shi bnai. Ka shnong ka sngew sarong ban bteng ia ki rukom treikam tynrai ban pynmih ia u ksai silk ha kaba ym don ka jingpyniap ia ki khniang haba sei ia ki ksai.
Ka iing ba khatduh ba la leit ha ka shnongUmkonka dei jong ka Kong CionaRynshon ha kaba ka dang thain ia ka jaintapmohryndiakaba jyrngam ha ka kor thain jain tynrai jong ka. Ha kawei ka kyndong jong ka iing, ka dang shu dep pynkylla rongiongia u ksaieri silk na ka rong ba ioh na u jait maw ba jushem ha kane ka shnong. Ka jingkhlehrong ka dang don ha ka ding ha ka por ba poi kane ka kynhun. Ka kmie jong ka Kong Ciona ka la wan kren ia ki nongthoh khubor katba ka dang bat ia ka tiar ba shna hi ban tan ksai.
Ha kane ka jingleit sha ka shnong Eri Silk ki nongthoh khubor ki la iohiia ki bynta bapher bapher jong ka kam thain jain – naduh ka jingri ia ki khniang‘sairusom, ka jingtanksai, ka jingpynkyllarong bad ruh ka kam thain jain. Ki la dap da ka jingsngew burom ia ka shnong bad ki nongshong shnong kiba dang bat bad bteng ia ki rukom treikam tynrai.
Ki la iaroh ruh ia ka jingseng kam lajong da ki longkmie jong ka shnong kiba la wanrah ia ka jingriewspah bad ka jingkyntiew ia ka rukom im kaba don nongrim ha ka mariang kaba iapher bha bad ka rukom im ha kane ka juk mynta.
KaKong DeinieTariang, District Handloom Officer, Ri Bhoi District, Bah P. Suting, Weaving Inspector bad kaKong RoseliaPyngrope, Weaving Demonstrator ki la leitsynran lang ia kane ka kynhun ha kane ka jingleit jong ki.
