Shillong, Kyllalyngkot 13: Mynta ka sngi u Chief Executive Member jong ka KHADC u bah Pyniaid Sing Syiem u la pynlait paidbah ia ka trok kit niut ban pyndon ka ka shnong Pohkseh ha ka jingialang paidbah kaba la pynlong ha phyllaw jong ka iing dorbar.
Ha ka jingkren jong u CEM la ong ba ia kane ka trok kit niut la pynioh na ka skhim jong ka KHADC lyngba ka 15th finance commission tied grant, ha ka juh ka por la ong ba dei ka jingstad jong ki riew rangbah ban pynioh ia ka Sixth Schedule ban ioh ia ka jingiada kaba kyrpang kum ka jaidbynriew.
Hapoh u pud u sam jong ka KHADC ki don 54 tylli ki hima, ba ka jingsynshar, ka don ka jingsynshar Syiem, Synsahr Riad, Synshar shnong ha kaba baroh ki don hapoh ka jingpeit jong ka District Council.
Ha ka jingkren u Pa,im Ainam Manik Syiem u la ai ka jingiaroh ia ka dorbar shnong jong ka shnong Pohkseh iaka rukom pyniaid ia ka shnong ka thaw bad kane ka paw na ka jingai ia ki kaiphot ha kaba ia dei bad ka jingtrei kam jong ka shnong .
Ha kane ka sngi la ioh ruh ban pyndon burom ia ki 14 ngut ki nongshong shnong kiba la rangbah ha ka rta, ia ki 7 tylli ki long iing kiba juh pynkhuid ia ka shnong, 7 ngut kiba trei ha ki jaka sam jingbam ia ki khynnah bad lai ngut ki ASHA kiba trei hapoh ka shnong. Ia ka jingialang la pyniaid da u bah K Paul Syiem rangbah shnong ha ka jingiadon lang ki nongki kam ka shnong.
