Shillong, Kyllalyngkot 24: Mynta ka sngi u myntri rangbah ka jylla u Conrad K Sangma u la buh mawnongrim ia ki lai tylli ki surok ban shna ban poi sha New Shillong Township kawei na Lumshyiap Bellafonte sha bad kawei na Umsawli lyngba ka Mawpat.
U Myntri Rangbah ka jylla haba kren ha kane ka jingialang kabala long ha Vivanta ula ong ba kane ka long ban pynsuk ia ka leit ka wan bad kane kan iarap ban pynlait na ka jingdheng kali, kane ka long ban iarap ban pynlait ia ka jingkhapngiah kali hapoh ka surok kaba don mynta Shillong Diengpasoh kaba pyniasoh sha New Shillong Township kaba iaid lyngba ka Nongmynsong bad Ishyrwat.
Da kane ka jingbei pisa kaba T.49 klur ban shna ia kine ki surok kiba thymmai kan pynioh ia ka lynti kaba thymmai ban poi sha Shillong New Township, kane kan kynthup ruh ia ka jingshna bad jingsiang rong ia ka surok na Bribah Mawpat sha IAS Colony ha Umsawli, kane ka surok kan heh 5.5 metter bad ka jinglut kan long T.21 klur.
Kawei pat kalong ban pyneh shuh shuh ia ka surok kaba dang sah iak a surok Shillong Diengpasoh kaba dang sah 14 Km kaba la pynbha sha ka two lane bad kane ka surok baroh shilynter ka don 21.20 km bad ka jingleit ia kane ka suok kan long T.55 klur bad kane ka surok ka pyniasoh bad ka NEIGRIHMS, NEIAH, NIFT bad ka iing dorbar thawain ka jylla Meghalaya.
U myntri rangbah la ong ba ka surok na Lumshyiap Bellafonte sha New Shillong Township ha Umsawli lyngba ka Mawpat kan poi beit sha ka ophis Secretariat kaba dang shna thymmai bad ia kine ki surok yn lah ban sdang shna ha u bnai Risaw mynta u snem bad ynpyndep hapoh lai snem, kane kan iarap ban pynkylluid ia ka sor Shillong haduh 40%.
Ha kane ka sngi u myntri rangbah ka jylla la pynpaw ba ryngkat kine ki jingtrei bala tip kum Smart City Project bad ki surok kiba thymmai ha ka jinglut baroh kan poi shaka T.2000 klur tyngka bad ia kane yn leh da ka jingiatreilang bad ki paidbah bad ka NESAC.
U Symbut myntri rangbah ka jylla u bah Prestone Tynsong kane ka New Shillong Township ka dei ka sor kaba la plan bha bad khmih lynti ha hapoh kine ki lai snem ban wan kin kam kin iaid beit la kyntu ia ki rangbah shnong ba kin ia trei lang namar ka sorkar ka long kaba la kloi ban kyntiew ia ki kampynroi.
Ha kane ka sngi u Secretary ba die peit ia ka tnad Urban Affairs Department, u bah Ethelbert Kharmalki u la ai ia ka jingbatai haba ia dei bad kane ka New Shillong Township ha kane ka sngi la don ruh ki heh sorkar na ka tnad pynroi sor bad tnad shna surok.
