Shillong, Kyllalyngkot 25: Mynta ka sngi ka District Election jong ka East Khasi Hills District kala pynlong ia ka jingrakhe ia ka 14th National Voters Day ha Nan Polok ban rakhe iakane ka sngi kaba kyrpang ban pynshai paidbah ia ka jingkordor jong ka Vote.
U Chief Electoral Officer jong ka jylla u Dr. B.D.R Tiwari u la long u kongsan, ha ka jngkren ka jong u la pynbna ba ka nognrwai ka heprit Alin Iawphniaw na ka liang jong ka tnad elelction ka jylla kan phah ia ka kyrteng jong ka sha ka Election Commission jogn ka Ri India ban pynlong kum ka State Icon na ka bynta ka ‘Sweep Systematic Electoral Programme’.
Na ka liang jong u CEO u la ai ka jingiaroh ia ka ophis jong ka Deputy Commissioner jong ka East Khasi Hills District kaba la pynlong ia kane ka jingrakhe lyngba ki jingrwai bad ki jingiakop kyntip ha kaba ia dei bad ka elekshon, ha kane ka Ri India kaba dei ka ri synshar paidbah.
Ha kane ka sngi la don lang ruh ki seng sain pyrthei kiba la ia sakhi lang ia kane ka jingrakhe, na ka liang jong ki seng sain pyrthei kiba la don lang ka dei ka party BJP bad ka HSPDP, ha kane ka sngi la ioh ia ka jingkren ruh na na ka DC ka kong RM Kurbah bad u bah R. Wahlang ADC.
La pynshongshit ia kane ka jingrakhe na ki ar tylli ki kynhun nongrwai Tynrai, kawei kaba la ai kyrteng Bnai bad kawei Alive, ka hep Arlin Iawphniaw kaba la shah tyrwa ba kan long ka State Icon ka dei ka nongrwai na ka kynhun u Bnai. Ha kane ka sngi la pynkup burom ia ki BLO, ki nongjop ha ki jingiakop dro bad kynkiew.
