Shillong, Kyllalynglot 26: Ki Khusnam Padma Award – kawei na ki khusnam paidbahba heh tam jong ka ri, kaba la ai ha ki lai tylli ki thup, bad kine kilong ka Padma Vibhushan, Padma Bhushanbad Padma Shri. Ia ki khusnam la ai ha ki bynta ki jingtrei kiba wanrah ka bha ka miat ha ka imlang sahlang, ki kam ba iadei bad ki paidbah.
Ki kam kum ha ka science bad engineering, khaii pateng bad ki kam ba iadei bad ki karkhana, ki dawai, ka thoh bad ka pule puthi, ki kam ialehkai, ki kam ai jingshakri ia ki paidbah bad kiwei kiwei.
Ia ka ‘Padma Vibhushan’ la ai na ka bynta ki jingshakri kiba kyrpang. Ia ka ‘Padma Bhushan’ la ai na ka bynta ki jingai jingshakri kibakongsan bad ia ka ‘Padma Shri’ la ai na ka bynta ki jingshakri ha kinokino ki kam.Ia ki khusnam la pynbna ha ka jingrakhe ia ka Republic Day man ka snem.
Ia kine ki khusnam la ai da ka President jong ka ri India ha ki jingialang ba ju pynlong ha RashtrapatiBhawan kumba ha u bnai Lber bad Iaiong man ka snem. Na ka bynta u snem 2024.
Ka President ka la ai jingmynjur ia ka jingpynkup burom 132 tylli ki Khusnam Padma ha kaba kawei kadei kaba la ai lang ia 2 ngut ki briew tangba la niew lang kum kawei katkum ka thup hapoh.
Ka thup kyrteng ka don 5 tylli ki Padma Vibhushan, 17 tylli ki Padma Bhushanbad 110 tylli ki khusnam Padma Shri. 30 ngut na ki nongjop khusnam kidei ki long kmie bad ka thup kyrteng ka don ruh 8 ngut ki briew na ka thup jong ki briew nabar ri, ki NRI,PIO, OCI bad 9 ngut ki briew kiba la khlad kiba ioh ia kane ka khusnam.
