Shillong, Kyllalyngkot 26: U Lat ka jylla u Phagu Chauhan mynta ka sngi ha ka jingkren ha Madon Polo ha ka jingrakhe ia ka jingdap 75th ka Republic Day la ong ban pyniaid beit iaid ryntih ban shim ia ka jingkitkhlieh ban wanrah ka jingkylla ka sorkar Meghalaya kala pynbna paidbah ia ka Street Vendors Scheme and Act.
Kane ka long ban pynbeit ia ka jingdon ki nongdie madan ha kylleng ka nongbah Shillogn ha ka juh ka por ban iada ia ki ba kin im, ia ka jingjurip la pyndep bad kiba die madan ha kane ka nongbah shillong ki don haduh 1263 ngut.
Ka sorkar kala dep ruh ban Pyntreikam ia ka “ My City Campaign” kane ka long ba ki paidbah kin ia shim bynta na ka bynta ban pynitynnd ia ki shnong bad ki dong kaba kyntup ba pynbha ia ki bynta jong ka wah ha Polo, Nan Polok bad GolfLink.
Ban pynsuk ia ka leit ka wan hapoh ka nongbah Shillong ka sorkar kan sa pyntrei kam ban pyniaid iaki 100 tylli ki Bus Eletrik ha u snem 2025, kane kan iarapban pynduna ia ka jingpynmih ia ka jaboh na ki tdem kali.
Ka sorkar jylla kan ia leh ban pyntreikam noh ia ka kad leingsuin ha Baljek kaba don ha Garo Hills bad ha ka juh ka por ban dang pynbun shuh shuh ia ki lieng suin ki ban hair ha Umroi Airport ban pyniasoh bad ki nongbah, kum ka Delhi, Mumbai, Hyderabad, Bangalore.
