Shillong, Kyllalyngkot 28: Mynta ka sngi kala don ka jingpluh iing hapoh ka shnong Rymbai, ha kane ka jingjia ka ding kala pynjulor lut ia baroh ki jingdon jingem bad ha kane ka jingjia u wei u rangbah bala mynsaw ha kane ka jingpluh ding.
Katkum ki lat khubor kiba la lah ban ioh la iathuh ba ia u ba mynsaw la jukhot kum u bah Ket, kane ka jingpluh iing katban da iohi ia ka jignklang ka ding ka long kumto por 8.00 baje mynstep bad ki kali pynlip ding kila poi sha ka 9.00 baje mynstep.
Kane ka iing kaba pluh ka dei ka iing jong ka kong Intermission Lapasam, hynrei kane ka kong ka shong ha kawei ka iing katba ha kane ka iing kaba pluh mynta u sah u khun shynrang jong ka bad ki khun bad u knie jong ki.
U wei na ki rangbah haba kren ha u SP News Agency la iathuh ba ia u ba mynsaw la pynkit sha Khliehrait CHC ban ioh ia ka jingsumar, la ong ba ka jingmynsaw kam dei kaba ka jur. Baroh ki jigndon jingem hapoh kane ka iing kila julor lut baroh.
