PM attends the Diamond Jubilee celebration of Supreme Court at the Supreme Court auditorium, in New Delhi on January 28, 2024.
New Delhi, Kyllalyngkot 28: U Myntri Rangbah duh, u Narendra Modi mynta ka sngi u la plie ia ka jingrakhe Diamond Jubilee jong ka iing bisharSupreme Court of India ha ka 28 tarik Kyllalyngkot ha auditorium jong ka Supreme Court ha Delhi.
U la plie ruh ia ki sienjam ai jingtip bad ka teknoloji ba iadei bad ki paidbah ba kynthup ki Digital Supreme Court Report (Digi SCR), Digital Courts 2.0 bad ka website ba thymmai jong ka Supreme Court.
Ha ka jingai jingkren ha ka jingialang, u Myntri Rangbah duh u la ai khublei ia baroh bad u la pynpaw ka jingsngewnguh ban iadonlang haba ka Iingbishar ba halor tam jong ka ri ka rakhe ia ka jingsdang jong ka jingdap 75 snem jong ka mynta ka sngi bad u la kren ruh shaphang ka RitiSynshar jong ka ri kaba la dap 75 snem ha ki ar sngi ba la leit.
U Myntri Rangbah duh u la ong ba ki nongthaw ia ka Ritisynshar jong ka ri ki iohi ia ka jngangnud ia ka India kaba laitluid katkum ka jinglaitluid, ka jingryntih kyrdan bad ka hok bad ka Supreme Court ka la bteng ban pynneh ia kine ki jingngeit.
U Myntri Rangbah duh u la ong “La ka long ka jnglaitluid ban pynpaw ia ka jingsngew, ka jinglaitluid shimet lane ka hok ha ka imlang sahlang, ka Supreme Court ka la pynkhlain ia ka synsharpaidbah jong ka ri.”
U Myntri Rangbah duh u la kdew ia ki rai kiba kongsan halor ki hok jong ki briew bad ka jinglaitluid ban kren kiba la prat lynti thymmai ia ka imlang sahlang bad ka ioh ka kot ha ka ri.
U Myntri Rangbah duh, u Modi u la ban jur ia ki thongna ka bynta ki 25 snem ban wan ia man ka tnat jong ka sorkar bad ong ba ki polisi ba iadei bad ka ioh ka kot mynta kin long ka nongrim jong ka India kaba phyrnailashailashisngi. “Ki ain kiba la shna mynta kin pynkhlain ia ka lawei jong ka India,” la ong u Myntri Rangbah duh u Modi.
Hapdeng ka jingkylla ka jingiadei hapdeng ki ri, u Myntri Rangbah duh u la kdew ba ki khmat jong ka pyrthei baroh kawei ki phai sha ka India bad ka jingshaniah ia ka, ka la nang kiew.
U la ban jur ia ka jingdonkam ban shim ia baroh ki kabu kiba wan ha ka lynti jong ngi bad u la kdew ia ka jingsuk ha ka rukom im, ka jingsuk ban sdang ia ki kam khaii pateng, ka leit ka wan, ka jingsuk ban ioh ia ka jingbishar kaba bha ki long ki kam ba kongsan jong ka ri.
“Ka jingsuk ban ioh ia ka jingbishar kaba bha kadei ka hok jong man u briew jong ka ri bad ka Supreme Court kadei kaba wanrah ia kane,” la ong u Myntri Rangbah duh u Modi.
Da kaba kdew ba ka kam ain ha ka ri kadei kaba la peit bad pyniaid da ka Supreme Court jong ka ri, u Myntri Rangbah duh u la ban ia ka jingphaikhmat kyrpang jong ka sorkar ban pynlong ba ki jingshakri ka Supreme Court kidei kiba ioh ha baroh ki bynta jong ka ri bad u la kdew ia ka jingai jingmynjur ia ka bynta ba lai jong ka projek E-Court Mission.
U la pyntip ba ka jingmang tyngka ia ka bynta ba lai ka la kiew saw shah ban ia ka bynta kaba ar. U Myntri Rangbah duh u Modi u la pynpaw ka jingkmen ba ia ka jingpynkylla digital ia baroh ki kam jong ki iing shari ha ka ri la peit hi dalade u Chief Justice jong ka ri bad u la ai khublei ia u namar ki sienjam jong u.
Ha ka jingban biang ia ia ka jingkut jingmut jong ka sorkar ban kyntiew ia ki jingdon jingem jong ki iingbishar, u Myntri Rangbah duh u la pyntip ba hadien 2014, palat 7000 klur tyngka ladep pyllait na ka bynta kane ka kam.
Ha ka jingpdiang ia ki jingeh jong ka building ba mynta jong ka Supreme Court, u Myntri Rangbah duh u la pyntip ha ka jingialang shaphang ka jingai jingmynjur T. 800 ha ka taiew ba ladep ban pynheh ia ka building jong ka Supreme Court.
Haba kren shaphang ki sienjam digital jong ka Supreme Court ba la plie mynta ka sngi, u Myntri Rangbah duh u la pynpaw ka jngkmen shaphang ka jingdon ki rai ha ka rukom treikam digital bad ka jingsdang jong ka projek ban pynkylla ia ka rai jong ka Supreme Court sha ki ktien jong ka thain. U la pynpaw ka jngkyrmenban don kum kine ki jingpynkhreh ha kiwei kiwei ki iingbishar jong ka ri.
U Myntri Rangbah duh la ong ba mynta ka sngi ka dei ka nuksa kaba biang bha jong ka jingiarap ka teknoloji ban pynthikna ia ka jingsuk ban ioh ia ka jingbishar kaba bha bad u la pyntip ba ia ka jingkren jong u la pynkylla mardor sha ka ktien pharengda ka jingiarap ka AI bad lah ban iohsngew ruh ha ka Bhashini app.
U la ong ba ki lah ban don katto katne ki jingeh ha kaba nyngkonghynrei ka pyniar ruh ia ka jngpyndonkam ia ka teknoloji. Wat ha ki iingbishar jong ngi, u Myntri Rangbah duh u la ong ba dei ban pyndonkam kum kine ki teknoloji ban pynsuk ia ka jingim jong ki riewpaidbah.
Haba kynmaw ia ki jingai jingmut jong u ban shna ia ki ain ha ka ktien kaba suk na ka bynta ka jingsngewthuh kham bha jong ki briew, u Modi u la ai jingmut ia ka jingpyntrei kumjuh ia ka rukom saindur ia ki jingbishar bad ki hukom ka iing shari.
Da kaba ban jur ia ki jingngeit tynrai ka India bad ka jinglong jong ki kam ain jong ngi, u Myntri Rangbah duh, u Narendra Modi u la ban jur ia ka jingdonkam ki ain jong ngi ban pynpaw ia ki jingngeit tynrai ka India bad ki rukom treikam katkum ka juk mynta.
U la ong, “Ka jingpyniasohlang ia ki jingngeit tynrai ka India bad ki jinglong ha ka juk mynta ka long kaba donkam bha ha ki ain jong ngi. “Ka sorkar ka trei shitrhem ban pynthymmai ia ki ain ban pyniadei bad ka jinglong jingman ba mynta bad ki rukom treikam ba biang.”
U Myntri Rangbah duh u la pynpaw ia ki sienjam jong ka sorkar ban pynduhia ki ain kiba na ki por jong ki mynder bad ki bym iahap shuh mynta bad wanrah ia ka ain ba thymmai kum ka BhartiyaNagrikSurakshaSamhita, BhartiyaNyayaSamhita, bad BhartiyaSakshyaAdhiniyam.
U la ban jur, “Lyngba kine ki jingkylla, ki kam ain, ki kam pulit bad ki kam wad bniah jong ngi ki la poi sha ka juk kaba thymmai.Haba ban jur ia ka jingkongsan ka jingpynkylla ia ki ain ba la rim sha ki ain ba thymmai, U Myntri Rangbah duh u Modi u la ban, “ba ka jingpynkylla na ki ain barim sha kiba thymmai kadei ban long kaba ryntih, kaba long kongsan.”
Ha kaba iadei bad kane, u la ong ba ka jingsdang jong ka jingai jinghikai pyntbit ia ki ophisarsorkar ban plie lad ia ka jingkylla. U Myntri Rangbah duh u Modi u la kyntu ia ka Supreme Court ban sdang ia ka jingpyntbit ia baroh kiba iadon bynta ha ka kam.
U Myntri Rangbah duh u la kdew ia ka bynta ba kongsan jong ka kam ain kaba khlain kum ka rishotjong ka Viksit Bharat. U la ong ba ki sienjam jong ka sorkar ban wanrah ia ki kam ain ba lah ban shaniah, bad u la kdew sha ka jingpyntreikam ia ka Jan Vishwas Bill kum ka sienjam ha ka lynti kaba dei da kaba pynduna ruh ia ka jingdon ki case kiba sahtengka ban pynduna ia ka jingban khia ki kam ain.
U Myntri Rangbah duh u Modi u la ong ruh ba ka jingwanrahia ki kyndon na ka bynta ka jingpynbeit ia ki jingiapher jingmut kaba la iarap bha ban pynduna ia ka jingban khia khamtam ha ki kam ain ba kham harum.
U Myntri Rangbah duh u Modi u la ban biang ia ka jingkitkhlieh jong baroh ki nongshong shnong ka ri ban pynurlong ia ka thong jong ka India ban long ka Viksit Bharat shuwa u snem 2047.
U la pynkut da kaba pdiang ia ka bynta ba kongsan jong ka Supreme Court ban saindur ia ka lawei jong ka ri ha ki 25 snem ban wan bad ai khublei ia ka jingdap 75 snem jong ka.
U Myntri Rangbah duh u la kren shaphang ka khusnam Padma Bhushan ba la ai ia ka M. FathimaBeevi (Bam kwai ha Dwar u Blei) bad pynpaw ka jingsngew sarong na ka bynta kane ka kabu.
U Chief Justice jong ka India, Dr D Y Chandrachud, Myntri Sorkar Pdeng ba dei khmih ia ka Tnat Law and Justice, Arjun Ram Meghwal, ki Nongbsihar jong ka Supreme Court, Justice Sanjiv Khannabad Justice Bhushan Ramkrishna Gavai, Attorney General of India, u R Venkataramani, President jong ka Supreme Court Bar Association, Dr Adish C Aggarwalbad Chairman jong ka Bar Council of India, u Manan Kumar Mishra ki la iadonlang ha kane ka jingialang.
Ha ka jingplie ia ka jingdaphynniewphew san snem jong ka Supreme Court, u Myntri Rangbah duh u la pyllait ia ki sienjam ai jngtip bad ka teknoloji ba iadei bad ki paidbah ba kynthup ki Digital Supreme Court Report (Digi SCR), Digital Courts 2.0 bad ka website ba thymmai jong ka Supreme Court
Ki Digital Supreme Court Report (SCR) kin pynbiang ia ki jingbishar jong ka Supreme Court sha ki briew jong ka ri khlem da shim jingsiew bad lyngba ki lad digital.
Ki bynta ba kongsan jong ka digital SCR kilong ba baroh 519 tylli ki bynta jong ki kaiphod jong ka Supreme Court naduh u snem 1950, ba kynthup 36,308 tylli ki case, kin don ha ka rukom digital, kiba la bookmark, kiba suk ban pyndonkam bad kiba ioh lang baroh.
Ka Digital Courts 2.0 applicationkadei ka sienjam ba dang shen hapoh ka projek e-Court ban pynbiang ia ki kot ki sla jong ka iing shari sha ki nongbishar jong ki iing bishar ha ki distrik ha ka rukom digital. Ia kane la bynrap lang bad ka jingpyndonkam ia ka artificial intelligence (AI)ban pynkylla mardor ia ki jingkren sha ki jingthoh.
U Myntri Rangbah duh u la pyllait ruh ia ka website ba thymmai jong ka Supreme Court. Ka website ba thymmai kan long ha ki ar tylli ki ktien kiba long ha ka ktien phareng bad Hindi bad la saindur ha ka rukom ba suk ban pyndonkam.
