Shillong, Rymphang 22: U Symbut Myntri Rangbah ka jylla u bah Prestone Tynsong ba bat ia ka tand kam poh iing kum juh ka tnad shna surok haba jubab ia ka jingkylli jong u bah Heavingstone Kharpran la ong ba jingpynkhreh na ka bynta ban buh ia ki kali pynlip ding ka dang iaid sha phrang.
Haba jubab ia ki jingkylli bynrap na ka liang jong u Symbut myntri rangbah ka jylla la ong ba ka daw jong ka jingslem dei na ka jaka, hynrei mynta la lah ban pynbeit bad kaba sah ka long sa tang ban siew ia ka bai jaka.
La ong ba ynda la pynmih ia ka jingpynbna sorkar ka ophis jong Deputy Commissioner kan sa siew iaka pisa bad yn sa aiti sha ka tnad pynlip ding ban leh ia kaba don kam, ka jingheh ka jaka ka long 2357.37 meter sawdong bad ka dor ka long T.51.84 lak tyngka.
Haba jubab ia ka jinglylli bynrap jong u MLA ka Mawkyrwat bah Reniktone L Tongkhar halor ka jingshim jaka ban shna surok, u Symbut myntri rangbah ka jylla u la ong ba kala don ka jingpynbna sorkar la slem bha lada ki don ki shnong kiba kwah surok ki hap ban ai ia ka jaka, kane ka long tang ia ki skhim shna surok ba dei na ka sorkar jylla.
Haba ka sorkar kala ioh iaka jaka ha ka dur jong ka jingai sngewbha ynda la ioh ia ka jaka ka sorkar kan san mang pisa ban shna ia ka surok, kane ka dei ka jingpynbna sorkar kaba la pynmih la slem bha tang ia ki surok bala bei pisa na ka sorkar jylla.
