Shillong, Rymphang 23: Ki pulit jong ka Ri Bhoi District kila pyntip ba ki arngut kiba la shah kem ha ki pulit u bah Pynshailang Warjri 32 snem bad u bah Banshngai Tyngsong 28 snem kiba la shah kem halor ka jingsuba ba ki lah don kti ha ka jingpyniap ia u khynnah 10 snem ha ka shnong Umtyngar, kila phla ba kila tap da ka pla ia ka dur khmat u khynnah haduh ban da iap.
Ha ka jingtohkit ki pulit kila iathuh ba ha ka 17/2/2024 u khynnah u don ha sem jong u ba shah kynnoh ba la pyniap ia u khynnah bad ha ka 18/2/2024 u la phet da kaba rah ia ki bilor kyiad kaba dei jong u Banshngai Tynsong kitei baroh ar ngut kila beh ia u khynnah.
Ha kane ka jingiabeh kila ioh ban tap da ka khmat jong u khynnah da ka pla, ki pulit kila iathuh ba kitei ki ar ngut kiba la shah kem kila phla ba kila buh ha khlaw ha duh jan miet ban pynkynriah ia ka met jong u khynnah sha ka kper jong u bah Comand Nongrang kaba la lap ha ka por 7 baje mynmiet.
Na ka liang jong ki pulit ki dang bteng ia ka jingtohkit ban lap ia ka daw tynrai jong kane ka jingshah pyniap u khynnah rit ba dang shiphew snem hapoh ka shnong Umtyngar na kiba la shah kem ha ki pulit, ka jingtoh kit ka dang iai bteng ban lap shai kdar ia kane ka jingshah pyniap u khynnah shiphew snem.
Lah ban kdew ba u bah Shynsharlang Nonghyndah u la ujor sha ki pulit jong ka Patharkhmah ia katei ka jingjia ha ka 19/2/2024 ba u tei u khynnah ula jah na iing ha ka 17/2/2024 bad ia ka met jong u la lap ha ka 18/2/2024 por jan miet.
Dei halor kane ka jingujor ba ki pulit kila ioh ban kem ia kitei ki ar ngut kiba la suba da kin don kti ha kane kam runmar bad ka jingtohkit da ki pulir ka dang sha khmat halor kane ka jingjia ban lap ia ka jingshisha bad ia ka daw tynrai baroh.
