Shillong, Iaiong 02: Ka National People Party hapoh ka jingialam jong u CEM ka Khasi Hills District Council u bah Pyniaid Singh Syiem mynta ka sngi ka 2 tarik u Iaiong 2024 ki la ioh ban pdiang burom ia ki nongkit kam jong ka Mawryngkneng Block Congress Committee bad kumjuh ruh ia ka youth wing jong ka TMC lem bad jong ka UDP.
Kane ka jingwan ban pyniasoh jong ki dkhot ka seng Congress, TMC bad UDP sha ka seng NPP kan longshisha kajing kyrkhu ia ka party kaba don hapdeng ka jingpynkhreh ia ka Lok Sabha Election ka ban sa long shen ha kine ki Khyndiat sngi ha shwa ba ki paidbah kin ia mih ban leit thep ia ka vote jong ki ban jied ia u ne ka MP ba thymmai.
Ia kine ki nong ialam ba thymmai la ioh ban pdiang sngewbha da u bah Pyniaid singh Syiem haka jingiadon lang u bah HM Shangpliang, u bah Hamlet Dohling, u bah Gavin Mylliem u ba dei u MLA ka Sohra.
Ha ba ai jingkren ha ka ka sngi pdiang ia ki na ka liang u bah Pyniaid u la ong ba ki da sngew kmen ia kane ka jingwan ban pynia soh jong ki sha ka NPP ha ka ba kan dang lah ban pyntyllun ia ki ka jong ka party bad kujuh ia kane ka Eletion MP ka ban sa long shen. U la ong ruh ba da kane ka jing wan jong ki kan long ruh ka jingkyrmen skhem ba ka party kan lah ban ai ka jingshakri sha ki paidbah.
Ha ba ai jing kren na ka liang ki dkhot ki ba dang shuwan ban pyniasoh sha ka NPP u la ong ba ka jing wan ban pyniasoh jong ki sha ka NPP ka dei namar ba ki iohi ia ki mat treikam jong kane ka seng ha ka ba u la ong ba ki don shibun ki party ki ba dang shu mieh shen ki iohi ba ki long tang kum ki dalal Jongno re Jongno ha ka ba ki ka ba ki ieid ia ka jaidbynriew hynrei dei ma ki kiba bein ia ka jaidbynriew.
Ki la ong ruh b aba ka jingwan jong ki ban pyniasoh sha ka NPP ka long ba kin lah ban iarap ia ki briew ki ba don kam ka jingiarap ki ba hapoh ka Mawryngkneng constituency. Ki la pynpaw ruh ba ka thong jong ka NPP ka long kumno ban ratdyngkhing ia ka jing duk jingkyrduh bad khamtam ban kyntiew ia ka ioh ka kot jong ka jaidbynriew.
