New Delhi, Iaiong 11: Mynta ka sngi u myntri rangbah duh jong ka Ri India u Narendra Modi mynta ka sngi u la pyniaid ia ka jingialang ban pynkhreh kumno ban iada na ka jingshit kaba ka ri baroh kawei kan sa mat naduh mynta u bnai Iaiong haduh u bani Jylliew 2024.
Kumba ka long mynta kan don jingkiew ka jingshit kaba kham shit hapoh ka Ri Indi bad khamtam heh ha ki bynta kiba ha pdeng jong ka Ri India bad ki bynta sha sep ngi jong ka Ri India, ka jingpynkhreh ban iada ia ki briew ka long kum ha ki lat jingsumar, kum ki dawai kiba don kam bad ka um bam umdih.
Ha kane ka jingialang la shim ia ka ria ban dei ban pyntip paidbah da kaba thoh ha ki ktien kiba pher bapher bad ban ai jingtip lyngba ki lat pathai khubor kiba don mynta namar mynta ka lyiur kan dan ka jingkiew kaba kham pher ka jingshit bad ka jia ryngkhat ruh ka don kane ka elekshon sha Lok Sabha ka dorbar bah ka Ri India.
U Myntri Rangbah duh jong ka ri u la kyntu ba kum ka sorkar baroh kawei ban ia trei lang bad ki sorkar jylla bad kum juh haduh ki District bad la bthah ia baroh ki myntri sorkar ba kin long kiba peitngor ba ki hospital kin long kiba la kreh bad ban peitngor ban tem ia ka jingkem ding ki khlaw.
Ha kane ka jingialang bala pyniaid da u myntri rangbah duh jong ka Ri India kiba la ia don lang ki long u Principal Secretary ba dei ba u myntri rangbah duh ka Ri India, u Secretary kam pohiing, ki heh jong ka tnad peit mariang bad na ka kynhun ba dei ban iada na ka jingshah pynjulor ha ka mariang.
