Shillong, Iaiong 24: Ka tnad pynmih bor ding jong ka jylla mynta ka sngi kala pyntip paidbah ba ia ka jingshna pynbha ia ka jingkieng ha Dam ha Umiam ia kaba la shna ha u snem 1965 yn pyndep ha u bnai jylliew 2024.
Ha baroh kine ki snem ka jingiaid ki kali na kane ka jingkieng ka long lynter taid bad kane ka jingkieng kala sator mynta na ka jingiaid ki kali bad ka jingmaramot ia kane ka jingkieng mynta la leh lyngba ka Dam Rehabilitation Improvement Project (DRIP).
Kane ka jingpyntrei ka long ban wanrah ruh ia ka jingshngian bad ban pynbha pynkhlain, ki kam kiba la pyntrei lyngba kane ka skhim ka long, ka jingsam thliew, ban pynbha, ban pyndait ia kiba or pait bad ka jingpyntrei ia ka Hydromechanical.
Kumba ka long mynta ka jingpyntrei ia kane ka jngkieng dam la lah ban pyndep haduh 60% ia kaei kaba la ioh ia ka kaiphot, bad ia kane ka jingtrei la buh por ban pyndep hapoh ka 30/Jylliew/ 2024 bad ha dien kata yn sa lah ban shah iaid kali kumba juh long.
Katkum ka kaiphot bala ai da ka IIT Guwahati bad ka kaiphot kaba la ai da ka in-situ technical assessment da kaba peit bniah ia ka jingkieng bad ha dien ba la dep shna yn sa pynlait ban iaid kali kumba juh long.
Halor katei ka jingshna pynbha la buh ba ia mynta ki kali kiba lah ban iaid na kane a jingkieng kin long tang haduh 4 metrik tone bad ha dien ba la dep ban shna ia kane ka jingkieng yn shah ban iaid ki kali tang haduh 12 Metrik tone.
