Shillong, Jymmang 13: U Myntri Rangbah ka jylla u Conrad K Sangma u ai khublei ia ka kong Idashisha Nongrem IPS jong u snem 1992 kaba la shah jied ban thung kum ka Director General ki Pulit ka jylla Meghalaya.
Ha kane ka jingai khublei, u myntri rangbah ka jylla u la ong ba kane kala pynsah nam, ba kan long ka kynthei kaba nyngkong na pdeng ki riewlum kaba dei na kane ka jylla Meghalaya ban ioh ban poi sha kane ka kyrdan DGP.
Ka kong Idashisha kala dei ka IPS ophisar jong u snem 1992 bad kala bat bun ki kam ha ki kyrdan bapher bapher ha ka jylla bad kaba kongsan eh ka long ha ka jinglong SP jong ka ha East Khasi Hills District ha ka por ba ki kam lehnoh ki dang khlain bha ha Khasi Hills.
Ka kong Nongrang kan pynsah nam ia lade kum ka DGP kaba nyngkong na ki kynthei ha kane ka jylla bad kaba dei ruh na ka jylla, kane ka long ka burom ruh ia ki para kynthei ka jylla Meghalaya.
