Shillong, Jymmang 22: Ha ka jingiatreilang ha pdeng ki shipai BSF bad ki pulit ka jylla Meghalaya la ioh ban kurup shibun ka shini bad kwai supari na khappud Bangladesh ha Rongra kaba hap hapoh jong ka South Garo Hills District.
Ki shipai BSF kiba ap ha khappud bad ka Bangladesh ha ka jingiatreilang bad ki pulit ka jylla Meghalaya ha ka jingiakhun pyrshah ia ki kam khaii beain ha khappud kila ioh ban kurup shibun ka shini bad kwai supari kiba la buh rieh ha kawei ka iing jah.
Ki BSF na ka kynhun 200 battalion ha dien ba kila ioh ia ka jingtip kaba bniah kila pyntip sha ki pulit bad ha ka jingiatreilang kila khynra ia kawei ka jaka ba don kawei ka iing ha khppud bad ka Bangladesh.
Ha kane ka jingleit khynra kila ioh ban kurup ka shini 7,05o kilo bad 6050 kilo u kwai supari , kane ka iing ka don ha khappud Bangladesh, ia kine ki shini bad kwai supari kiba la ioh ban kurup la aiti sha ki pulit jong ka Rongra ban leh ia kaba don kam.
