Shillong, Naiwieng 06: Kum ka dak jong ka jingsngewlem ia ki san ngut ki pulit kiba la shah sait ha ki lehnoh GNLA ha Garo Hills ka tand kam poh iing mynta ka sngi kala pynlong ia ka jingialang sngewlem ha headquater ha kaba ka myntri kam poh iing ka kong Roshan Warjri ka la ia don lang.
Haba kren ha ki nongthoh khubor ha dien ba la dep ka jingialang ka long Warjri ka la ong ba ka sorkar ka la dep shim ia ki lad ki lynti kumno ban ia khun pyrshah bad ki leh ha kane ka jylla.
Ha ka jingkren jong u additional director general ki pulit (CID) u SK Jain u la ong ba ki pulit mynta ki la hap ban shim ia kiwei ki lad ki lynti kumno ban ia khun pyrshah ia ki lehnoh bad la ong ba katkum ka jingkylla jong ka por ki ruh ki hap ban kylla ia ka buid kumno ban ia khun pyrshah ia ki lehnoh.
Na ka liang jong ki pulit mynta kila pynlong ia ki jingialang kiba kyrpang ban ia kren ia kane ka jingjia bad ban shim ia ki lad ki lynti kiba thymmai ban peit ba kum kane ka jingjia kan nym jia shuh.(SP News)
