Shillong, Risaw 29: Ka Meghalaya Judo Association (MJA) kala sngew kmen ban pyntip iaka jingjop bakhraw jong ki ar ngut ki samla iakhun jong ka judo na ka jylla Meghalaya ha ka 70th National School Games 2026–27, Judo Under-14 Boys & Girls Championship, kaba la long ha Thyagraj Sports Complex, New Delhi, ba la sdang naduh ka 23 haduh 28 tarik Risaw 2026.
Katba ki nongiakhun na kane ka jylla Meghalaya kila wanrah nam wanrah burom iaka jylla da kaba khur jingjop bad ioh iaki medal, kine ki nongjop ki kynthup iaka samla Marbashisha Kharkylliang – Silver Medal, ka samla Larika Kharkylliang – Bronze Medal. Na ka liang jong ka Meghalaya Judo Association kala ai khublei ia kine ki nongiakhun na ka bynta ka jingjop jong ki kaba pyni ruh iaka jinglong trei shitom ka jong ki, ka jinglong ryntih, ka jingnoh jong ki met bad mynsiem ha kane ka jingialehkai judo.
Ka jingjop jong ki ka long ka por kaba sngew sarong na ka bynta ka jylla bad kumjuh ruh ka long ka jingai mynsiem iaka jingthrang jong ki samla iakehkai judo ha kylleng ka jylla Meghalaya. Ka Association ka ai khublei ruh iaka jingkyrshan kaba kordor bad ka jingialam lynti jong u coach, u Jonathan Lalrinsanga, uba la aiti met bad mynsiem ia kane ka kynhun kaba la iashim bynta ha kane ka jingiakhun.
Ka Meghalaya Judo Association kala ai khublei iaki coach, ki heh nongtrei, ki kmie ki kpa bad baroh kiba la kyrshan ia kine ki nongialehkai ha ka jingpynkhreh jong ki bad ka jingiashim bynta. Ka Association ka neh ban kular ha kaban pynroi iaka jingialehkai judo naduh ka kyrdan kaba hapoh duh bad ka jingpynsan pynbiang iaki samla kiba don sap khnang ban ioh iaka jingjop kaba kham khraw ha ki jingiakop bad iaknieh kiba hapoh ka ri bad ha ka pyrthei.
