Shillong, Risaw 29: Mynta ka sngi la pynlong ia ka sorkar jingiamir jingmut ha kaba ia dei bad ka jingthoh ia ka khanasamari 2027 kaba la tip kum ka State Level Census Coordination Committee.
U Chief Secretary ka jylla Meghalaya u Dr. Shakil P. Ahammed, IAS, haba kren ha kane ka jingialang u la ong ba ka Khanasamri ka long kaba don kam namar lyngba jong ka lah ban pynkhreh ia ki skhim jong ka sorkar.
Ha kane ka jingialang u la kyntu ia ki ophisar baroh ba kin pynsngewtuh ia ki paidbah ha kaba ia dei bad kane ka jingthoh khanasamri ba ki paidbah kin ia snohkti lang namar kane ka long kaba don kam haduh katta katta.
Dr. Pooja Pandey, IAS, kaba dei ka State Nodal Officer na ka bynta kane ka jingthoh khanasamari kala ong ba ha kane ka juk kaba mynta kan long kaba bha ban pyndon kam ia ki kor kibor katkum kane ka juk kaba mynta ha kaba pynbna sha ki paidbah ha ki shnong ki thaw.
Ka Vrushali Abhijit Warade, ka Deputy Registrar General na ka sorkar pdeng ba peit ia ka khana samari kala ong ba kane ka jingshim jingkhein ia ki paidbah nongshong shnong ka dei kaba khraw bha namar ka dei kaba bun briew tam ha ka pyrthei bad kala batai ia ki kyndon baroh kiba don.
Ha kane ka sngi ki ophisar na baroh ki District kila don lang bad ha kane ka jingialang la ia kren bniah kumno ban pyniaid ia kane ka kam thoh khana samari ba kan long kaba iaid beit bad kaba jop.
