Shillong, Jymmang 02: Ka North East Cricket Development Council [NECDC] hynnin ka 1 tarik u Jylliew 2024 ka la ïoh ban pyndep ïa ka jingsam khusnam na bynta ki player kiba la lah ban lehkai bha kynthup ruh ïa ki nongkitkam ki kynhun ha kane ka samoi 2023-24 ha ka jingïakynduhlang kaba khyndai jong kine ki hynriew tylli ki jylla ka thaiñ lam mihngi ba la pynlong ha State Convention.
Napdeng 38 tylli ki khusnam ba la sam ha ka jingïalum lang ka khyndai jong ka North East Cricket Development Council [NECDC] ka khusnam Best Players na ka North East zone ka dei kaba kongsan tam ha kaba u Kishan Lyngdoh ka jylla Meghalaya u la khur ïa kane ka khusnam napdeng ki shynrang bad ka Samayita Roy Prodhan ka jylla Sikkim ka la khur na ka liang ki kynthei.
Ha kane ka kynti ïa ka khusnam ‘Emerging Player award’ ka la leit sha u Aloto Sumi ka jylla Nagaland na ki shynrang bad ka Sheikh Neha na Manipur na ka liang ki kynthei.
Kumban shu kdew, kane ka dei ka sien ba lai ba la pynlong ïa ka Achievers’ Awards Night jong ka NECDC bad ka jingïakynduhlang kaba 9. Dei lyngba kane ka jingïa lumlang ba la rai ban shimkhia ban wanrah ïa ka jingïatylli jong ka NECDC na ka Committee sha ka Council.
La seng ïa ka NECDC ha u snem 2016 ryngkat ka jingthmu ban ïoh bsut khlieh kum ka dkhot ba pura bad ka BCCI jong kine ki hynriew jylla ka thaiñ North East – ba kynthup ïa ka Arunachal Pradesh, Manipur, Meghalaya, Mizoram, Nagaland bad ka Sikkim.
Kane ka la urlong ha u snem 2018 bad naduh kane ka por ka NECDC ka la trei shitom ban shimkhia ha ka ban kyntiew ïa ka kriket ha kane ka thaiñ. Man u snem la ju pyntyllun ban pynlong ïa ka jingïakynlang bad sam khusnam bad mynta u snem ka la dei sa ka pali jong ka Meghalaya Cricket Association ban ïoh pynlong.
Haba phai sha u Kishan, u la seisoh bha mynta ka samoi 2023-24 ha kaba u la kamai 937 ron ha ka Ranji Trophy kyllumlang bad ka one day Vijay Hazare Trophy, ba kynthup ïa ka 200 ron tam (double century) na bynta ka jylla ha ka Ranji Trophy, ha kaba u la wan thup ba 9 ha ka thup kyrteng ki player ba kamai bun ron hapoh ka ri. Namar ka jinglah ban lehkai bha ka jong u, u la shah jied ruh ban khur ïa ka khusnam Best Batter (senior men category).
Ka Samayita ka la tied 362 ron ha ka U-23 Women’s One Day bad T20 Trophies, ban don ha ka kyrdan ba 13 napdeng ki kynthei hapoh ka ri ha ka thup ïalehkai ba 50-over. Ka Aloto ka la lah ban tyngshaiñ ïalade ha ka U-16 Vijay Merchant Trophy da kaba kamai 641 ron (kyrdan ba saw ha ka ri) bad khur 33 wicket (11 ha ka ri), katba ka Neha ka la kamai 107 ron bad khur 4 wicket ha ka U-15 Girls One Day Trophy na bynta ka Manipur.
Nalor u Kishan, ki la don sa saw ngut ki nongïalehkai kriket ka Meghalaya kiba la ïoh khur khusnam. Kine ki kynthup ïa u rangkawangbol Pace – u Akash Kumar Choudhary na bynta ka Best Bowler (senior men) hadien ba khur 34 wicket naki 10 tylli ki Inning ha ka Ranji Trophy.
U Manish Sharma, rangkawangbol spin, u la jop ïa ka Best Bowler (U-23 men) hadien ba khur 54 wicket na ka Col CK Nayudu Trophy bad State A Trophy, katba u Dipankar Baruah u la khur ïa ka nam Best Wicketkeeper (U-19 men) hadien ba ïoh khung 25 tylli ki bol (catch) bad ïoh stump saw sien ha ka Cooch Behar Trophy.
Ka Debasmita Dutta ka la shah pynkup burom ha kane ka sngi hadien ba khur san-wicket na bynta ka kynhun North East Zone ba ïashimbynta ha ka Senior Women Inter-Zonal Trophy.
Shuwa kane, na ka liang jong u Honorary Secretary ka MCA- u Bah Gideon Kharkongor u la pdiang burom ïa baroh ki player, ki nongkitkam bad ïa baroh kiba la lah ban ïadon ryngkat, da kaba kdew ba ka NECDC ka la trei shitom ha ka ban kyntiew ïa ki player krirket ka thaiñ ha kine ki samoi ba ladep.
Hadien kane, u President ka MCA- u Nababrata Bhattacharjee u la pynkynmaw ïa ka jingïaid lynti jong kine ki jylla hapoh ka NECDC ban ïoh pynthikna ban long dkhot ba pura bad ka BCCI. “Ngi sngew sarong ïa kaei kaba ngi la ïoh ha ki kyrdan ïalehkai national level,” u la pynpaw sha ki player.
“Dei tang ha kine ki san snem ba ladep ba Ngi la ïohlad ban shimbynta ha ki lympung national level kum ki jylla. Hashwa kane, kiwei ki jylla kim shym la sngewthuh ba phi lah ban khring ïa ki. Ngi la shimkhia ïa ka jingtrei shitom jong phi hynrei phim dei ban kut tang hangne – ki dang don shibun kiba phi hap ban pynleit jingmut.”
Ka thup kyrteng jong ki player kiba la ïoh khusnam ki long U-15 Girls Best Batter – Barkhatun Khanam (Manipur), Best Bowler – Prenu Manger (Sikkim), Best Wicketkeeper – Aakriti Sharma (Sikkim). U-16 Boys Best Batter – Aloto Sumi (Nagaland), Best Bowler – Md Danish Khan (Manipur), Best Wicketkeeper – Shyerinlo Thong (Nagaland).
U-19 Women Best Batter – Laishram Linthoingambi Chanu (Manipur), Best Bowler – Sabita Luitel (Sikkim), Best Wicketkeeper – Aakriti Sharma (Sikkim). U-19 Men Best Batter – Yugandhar Singh (Nagaland),Best Bowler – Anil Gupta (Nagaland), Best Wicketkeeper – Dipankar Baruah (Meghalaya).
U-23 Women Best Batter – Samayita Roy Prodhan (Sikkim), Best Bowler – Thoudam Mangalsana (Manipur),Best Wicketkeeper – Keisham Kalpana Devi (Manipur). U-23 Men Best Batter – Hem Bahadur Chetri (Nagaland), Best Bowler – Manish Sharma (Meghalaya),Best Wicketkeeper – Afzal Hussain Choudhary (Nagaland).
Senior Women Best Batter – Purnimaya Gurung (Sikkim), Senior Women Best Bowler – Lalrinmawii (Mizoram),Senior Women Best Wicketkeeper – Vanlalremtluangi (Mizoram), Senior Men Best Batter – Kishan Lyngdoh (Meghalaya).
Senior Men Best Bowler – Akash Kumar Choudhary (Meghalaya),Senior Men Best Wicketkeeper – Jehu Anderson (Mizoram),NE Zone Player of the Season (Male) – Kishan Lyngdoh (Meghalaya)NE Zone Player of the Season (Female) – Samayita Roy Prodhan (Sikkim)NE Zone Emerging Player (Male) – Aloto Sumi (Nagaland)NE Zone Emerging Player (Female) – Sheikh Neha (Manipur)
Pynkup burom – Sonam Palden Bhutia (Sikkim), Head Coach jong ka kynhun NE Zone ba ïakhun ha ka Senior Women’s bad Duleep Trophy, Kikam Bhutia (Sikkim), Head Coach jong ka kynhun NE Zone ba ïakhun ha ka Senior Women Inter-Zonal T20, Sheril Lepcha (Sikkim).
Assistant Physiotherapist ha ka kynhun Gujarat Giants ba ïakhun ha ka WPL 2024, Sentilemla Imsong (Nagaland), kaba kynjoh mar shiteng ïa ka spah ron na ka NE Zone ha ka Senior Women Inter-Zonal, Debasmita Dutta (Meghalaya), kaba khur san-wicket na bynta ka NE Zone ha ka Senior Women Inter-Zonal, Neizekho Rupreo (Nagaland), ba khur bun wicket- ha ka U-23 Men’s Col CK Nayudu Trophy.
State Award – Meghalaya, hadien ba ïohrung sha ka Elite Group ha kane ka Ranji Trophy 2024-25 ka ban wan, State Award – Nagaland, kum ka lahduh ha ka U-23 Men’s Col CK Nayudu Trophy (plate group), State Award – Nagaland, kum ka lahduh ha ka U-19 Men’s Cooch Behar Trophy (plate group), State Award – Manipur, kum ka lahduh ha ka U-16 Boys’ Vijay Merchant Trophy (plate group).
