Shillong, Jylliew 07: Mynta ka jan miet ka seng HYC hapoh ka jingialam jong u bah Isaac w Basaiawmoit kila pynlong ia ka jing khynra ia ki nongdih bad nongdie drok na Motphran sha duh Stand bhoi ban ia khun pyrshah ia kane ka kam sniew.
Kane ka jingkhynra kala long ruh ha ki katto katne ki bynta jong ka Iewduh, ha kane ka jingkhynra la ioh ba kin kem haduh 10 ngut ki briew bad na kila ioh ban kurup ruh ia ki drok na ka met ka jong ki.
Kane ka jingiakhun ka seng HYC pyrshah ia ki nongkhaii bad ki nongdie drok kala sdang mynta la katto katne por bad ka jingiakhun kala long ha kylleng jong ka sorkar Shillong ha ki jaka bapher bapher bad kila ioh ruh ban kem ia ki nongdie bad ki nongdih.
Lah ban pynkynmaw ba ka seng HYC kala khynra ha ki bynta jong ka Mawbah, Polo, MUDA ha Khyndailad bad mynta ka sngi kila pynlong ia ka jingkhynra ha Motphran sha Stand bhoi bad sha ki bynta ka Iewduh,kum ka seng kala rai ban khun pyrshah ia kane ka jingsiew.
