Shillong, Jylliew 14: Ka Hynniewtrep Youth Council mynta ka sngi ka 14 tarik u Jylliew 2024 ka la leit ban aiti ia ka shithi ai jingmut sha ka experts committee on the state reservation policy ba la thung da ka sorkar Jylla.
Ha kane ka shiti ai jingmut na ka liang ka HYC ka la ai jingmut ba dei ban wanrah noh da ka combine reservation ka ban long 93% na ka 100% kan dei na ka bynta ki riewlum Scheduled Tribe khlem da phiah la ka long ia ki jaidbynriew Khasi, Jaintia bad Garo.
Ha ba ioh ban ia kren bad ki nongthoh Khubor na ka liang u President jong ka seng u bah Roykupar synrem u ba dei u President ba rangbah jong ka seng HYC u la ong ba na ka liang ka HYC ka la wanrah haduh 12 tylli ki mat ban ai jingmut.
U la ong kumba ngi ioh I mynta ka Reservation policy ka phiah ia ki Scheduled Tribe ha ki lai bynta kata khasi – Jaintia, Garo bad kiwei kiwei pat ki tribe ka ba long kum ba phiah ia ki riewlum ha ki ba bunbynta bad u la kyrpat ba ki dei ban ap ia ka rai jong ka Supreme Court ha ka ba ka lah ban pynmih noh ia ka rai ha kano kano ka por.
U bah Synrem u la ongruh ba haka ba iadei bad ki District Level post ngi la ioh I b akum ba ka long mynta ba ka district Level post ka combine reservation ka dei ban dei 80% ia ki Khasi Jaintia hapoh ka Khasi jaintia Hills bad 80% na ka bynta ki Garo ha poh ka Garo Hills.
U la ong ruh ba lada ka supreme Court ka ong ba ngim lah ban phiah ia ki Tribal community ha ka Jylla bad ka jingthmu jong ka HYC ka long ba 93% ka dei ban don ka Combine reservation ka ban long 2% na ka bynta kiwei ki ST bad 5% kandei na ka bynta ki Unreserve category.
u bah Synrem u la ong ruh ba ha ba ngi peit ia ka Reservation policy ba mynta ha ka ba iadei bad ka jingthung kam ha ki post ki bymlong permanent ka sorkar ka ong ba ka reservation policy kam lah ban trei kam, hynrei na ka liang ka seng HYC ka sngew ba lada don kino kino ki ba ka sorkar ka pyntrei ka ba palat ia ka 30 sngi shaneng na ka liang ka seng ka dawa ba ka reservation policy ka dei ban trei kam.
U bha Synrem u la ong ruh ba ka expert committee ka dei ban ai jingmut sha ka sorkar ba ka dei ban batai shai ia ka kyntien ‘ scientific post’ ka ba la wan rah ia ka jingkulmar ha kane ka reservation policy ka ba mynta ka ba lah ban wanrah ia ka jingduhnong ia ki trai Jylla.
U bah Synrem u la kyntu ruh ia ka expert committee ba ka dei ban phah ia ka jingai jingmut sha ka sorkar ba kam dei ban shu pynlong sah ia ka reservation policy kum ka resolution jong ka sorkar hynrei ka dei ban wanrah da ka ain ka ban ioh ban ia tai hapoh ka iingdorbar Thawai khnang ba kane ka Reservation policy ba mynta kan long ka ba khlainbor.
