Shillong, Jylliew 26: Ka seng Hynniewtrep Youth Council (HYC) seng kmie ha poh ka jingialam u President ka seng u bah Rokupar Synrem ha ka 25 tarik u Jylliew 2024 ka la leit ban mudui pyrshah ia ka Director jong ka Tnad Housing jong ka sorkar Jylla ha poh ka section 20 jong ka Meghalaya Lokayukta Act 2014.
Kane ka jingujor ka long ha ka ba iadei bad ka jingpynpoi jong ka tnad Housing da ki tin sop iing sha ki community and Rural development Block bapher bapher ka jylla ia ka ba la kynnoh ba ka jingryben ka long tang 25 mm haduh 28mm ym da ki tin sop iing ki ba ka jingryben ki dei ban long ia ka 45mm.
Haba kren ha ki lat pathai khubor u bah Roykupar Synrem u la ong ba na ka liang ka seng ka la ioh ban ia ka jingujor ha khmat u secretary ka Meggalaya Lokayukta ban dawa ba dei ban thung da ka jingthohkit halor ka jingkhot tender ha ka ban thied ia ki tin sop iing kat kum ka notice inviting tender ka ba kot haduh 20crore tyngka.
U la ong ruh bala da ka jingthohkit ka la ba don shisha ka jingpyndon kam bakla ia ka pisa ha ka bat hied ia ki tin sop iing ia ka ba la pynpoi sha ki paidbah lyngba ka community and Rural development Block dei ban pynshitom ia ka Director jong ka tnad Housing kat kum ki kyndon jong ka Ain.
U bah Synrem u la ong ruh ba ka seng kam shymla hun iaka jubab u Myntri ka tnat Housing, kumta kum u nongujor nga la wan ujor pyrshah iaka Directorate ka tnat Housing haka Meghalaya Lokayukta namar baroh ki tip baka Lokayukta ka don iaka bor ban tohkit iaki jingkynnoh bamsap pyrshah iaki nongtrei ne ki ophisar Sorkar.
U Bah Roykupar ula ong baka Meghalaya Lokayukta nalor baka don iaka bor, ka don ruh daka kynhun tohkit ia kino kino ki jingkynnoh bamsap, khamtam kiba iadei bad ka jingpyrsywa kai ia ka pisa paidbah. Nalor kane ka HYC kala dawa ia ka Sorkar ba kan phah pynphai biang iaki tin bala dep pynpoi sha Jirang, Shella bad Nongstoin C&RD Block namar kidei kiba stang palat bad kim long ban sop ia ki iing.
U la ong ruh ba ha ka jingujor u la dawa ba dei ban pynshitom iaki ba don bynta ban pynsyrwa kai ia ka pisa u paidbah namar katkum ka Tender jong ka jingthied iaki tin sop iing, ka poi ym duna iaka T.20 klur bad ki tin kidei ban don ka jingrben 0.45 hynrei ka seng kala ioh ka jingujor ba ki tin ki long tang 0.25 ka jingrben.
