Shillong, Jylliew 28: Ha pdeng ka jingiam brew la tep donburom mynta ka sngi ia u Bah Teinwell Dkhar MDC ka Shella Konstitwensi hapoh shnong jong u ha shnong Mawlong, ha kaba bun ki paidbah kila wan ban pyndon burom khatduh u tei u nongmih khmat ba la jop saw sienlynter ia ka MDC.
U Bah Teiñwell Dkhar u dei u Nonghikai skul ha Mawkyrwat Presbyterian School u la mih ban iakhun elekshon MDC na Shella Konstituensi ha u snem 2004 bad u la jop saw sien bad u long u MDC ha duh ka sngi kiba khatduh jong u.
Ka Shnong Mawlong ka dei Shnong ba la pun la kha ia u Bah Teiñwell Dkhar bad u iapoi shongkha ha ki kur Khyllep Mawlong.Ha jing ai burom khadduh ia u Bah Teiñwell Dkhar la ia don u Bah Metbah Lyngdoh President ka Party ha jingiasynran Lang u Dr.Jemino Mawthoh Secretary, u Bah Renikton L. Tongkhar MLA Mawkyrwat, u Bah Titustarwell Chyne MDC Sohra uba dei u dkhot ka Liang Pyrshah KHADC bad u Bah PN Syiem u Deputy CEM bad ki MDC.
U Teiñwell Dkhar u don lai ngut ki Khun ar shynrang kawei ka khun kynthei ar ngut ki Khun thiang. Ha jinglehburom khadduh ha ba ai jing kren ha kane ka sngi na ka liang kiba Iing u bah Teinwell Dkhar ki la ong “Ka jing sah nud jong u Bah Teiñwell ka long ba dang sahnud don ki briew kiba um pat ban map namar ki kam hynrei ,u long u briew u bastad u long u briew u ba skhem jing mut bad um ju shet kylla ia ki party. U la noh ia u synniang ha kaba yn ym don ba lah ban siew kylliang.
Hadien kane la ioh ia ka jingkren na ka liang u Balajied kupar Synrem MLA Shella uba la pynpaw babu Teiñwell Dkhar u dei u kpa jong u bad u Hynmen naduh ba DR. Donkupar Roy MLA udei uba la wanrah ia u Bah Teiñwell Dkhar sha ka lympung Saiñ pyrthei ban iakhun MDC.
Ha ka sian pyrthei u bah Teinwell Dkhar u la pyni sha ka pyrthei ba wat ha pdeng ki jingtynjuh kiba bun u la ieng skhem ban neh ha ka party UDP naduh ba u la jop nyngkong haduh ka sngi ba khatduh ka jong u khlem kylla party wat ha pdeng bun ki jingkylla ha KHADC.
