Shillong, Naitung 04: u Secretary ka tnad shna surok ba dei peit ia ka surok bad ki jingkieng iaid kali la pyntip paidbah ba ia ka pisa T.200.81 klur tyngka ban shna pynbha ia ka surok bah NH-6 ia ka bynta kaba dei na Jowai sha Ratacherra la ioh ia ka pisa T.200.81 klur tyngka ha ka 17/10/2023.
Ia kane ka jingpynlait ia katei ka pisa la pyntip sha ka sorkar Meghalaya katkum ka shithi No E-811162 dated 01.11.2023. kumta, ia ka jingtrei la phiah ha ki ar bynta, ka bynta kaba nyngkong ka long ban pynbha ia ka surok na Km 69.200 haduh ka Km 120.200 bad ia ka shithi bala pdiang ban pyntrei la ai ha ka 07/02/2024 katkum ka shithi number. 25941.
Ia ka soskular ban la ai ia ka kontrak la ia soi ha ka 08.03.2024 ia ka jingtrei kaba la kot sha ka T.77.81 klur tyngka bad ka jingtrei kala sdang ha ka 23.03.2024. Ia ka tender ia ka bynta kaba ar ban pynbha ia ka surok na ka Km 120.200 haduh ka Km 171.455 la dep ban pyndep bad ia ka shithi bala pdiang ia ka kontrak la ai ha ka 02.02.2024 katkum ka shithi No. 25914 bad ka dor ka long T. 122.99 klur tyngka.
Ia ka soskular bala ia mynjur ban sdang ia ka jingtrei la soi ha ka 22.02.2024 bad ka jingtrei kala sdang ha ka 22.03.2024. Ia ka bynta kaba la jur bha ka jingtwa khyndew ha ka surok bah NH-6 ia ka jingpynkhreh kumno ban ialeh ban pynbha ia katei ka jaka la aiti sha ka M/s THDCIL ia kane la jied da ka NHAI kum ka nongpynkhreh ia ka Detailed Project Report (DPR).
Kane ka long naka bynta kato ka jaka ba twa khyndew por ba slap ha Sonapur bad la ia soi ia ka soskular hapdeng ka NHAI bad ka M/s THDCIL ha ka 15/ Rymphang/2024 ban pynkhreh iaka DPR haba ia dei bad katei ka jingtwa khyndew.
Ia ka DPR kaba T.89.90 klur tyngka la phah sha ka THDCIL sha ka Regional Office kaba don ha Guwahati ha ka 18/Jylliew/ 2024 ban ioh ia ka jingmynjur na ka sorkar pdeng bad ia kane dang ap ba ka sorkar pdeng kan pynlait ia ka pisa.
U Myntri Rangbah ka jylla u Conrad K Sangma u la ai kynduh ia u myntri kam shna surok ka sorkar pdeng u Nitin Gadkari ha ka 24/Jylliew/2024 ban ia kren ia kane ka bynta ba kyrpad ia ka sorkar pdeng ban pynlait ia kane ka pisa kaba la pynkhreh da ka M/s THDCIL haka DPR kaba la long T.89.90 klur tyngka, la ong u Secretary ka PWD ha ka kyrwoh.