New Delhi, Naitung 05: U myntri khynnah ka sorkar pdeng u Dr. Jitendra Sing ba dei peit ia ka Saian la ong ba ka pyrthei kan sa iohi ia u briew ba nyngkong jong ka India ba poi sha ka haw haw bad kiwei ki briew jong ka India ha ki jaka ba jylliew jong ka duriaw shuwa u snem 2025, la ong u Myntri Sorkar Pdeng Dr.Jitendra Singh ha ka Bharat 24 News network ha ka jingai jingkren jong u mynta ka sngi.
Ha ka jingbatai shaphang ka jingiaid shaphrang ka India ha ki kam jong ka kiba iadei bad ka haw haw bad ka duriaw, u Dr. Jitendra Singh u la ong ba saw ngut ki astronaut – lai ngut ki Group Captain bad uwei u Wing Commander ki la shah jied na ka bynta ka Human Space Mission kaba nyngkong jong ka India – Gaganyaan. Kumjuh, u la ong ba ka Deep-Sea mission jong ka India kan phah lai ngut ki briew jong ka risha ki jaka ba jylliew jong ka duriaw ha u snem 2025.
Ha ka jingkren shaphang ka roi ka par ha ka thain shatei lammihngi, u Myntri Khynnah (Independent Charge) jong ka tnad Science and Technology, Myntri Khynnah (Independent Charge) jong ka tnad Earth Sciences, Myntri Khynnah ka PMO, tnad Atomic Energy bad tnad Space bad Myntri Khynnah ka tnad Personnel, Public Grievances and Pensions.
U Dr. Jitendra Singh u la ong ba ka jingpynkhlain ia ki jingdon jingem ha ka thain shatei lammihngi jong ka India ha kine ki 10 snem ba la dep ka dei ka nuksa jong ka roi ka par jong u Myntri Rangbah Duh Modi. U la kren ruh shaphang ki kad liengsuin ba thymmai ba la pyntreikam ha ka thain shatei lammihngi.
U la ong ba ka la don ka jingkiew ka rynsan ki surok ba lah ban pyndonkam ha kano kano ka por bad ki surok bah ha ryngkat bad ka jingpyniasoh sha ki jaka nongkyndong. Ka tnad rel ka la sdang ban pyniaid ia ki rel na Itanagar bad ki lad ka leit ka wan lyngba ki jaka shong um ki la plié.
U la ong ba ka la don ka roi ka par ha ki jingdon jingem bad ruh ha kaba iadei bad ki briew kiba la tbit ha ki kam ha kaba ki nongai kam na ki kam jaka sahkai ki briew bad ki kam pynher liengsuin ki la sdang leit sha kine ki jylla ban ai kam ia ki briew.
U la ong ruh ba u Myntri Rangbah Duh u sngewjan bha ia kane ka thain bad ba u kwah ban seng ia ka ‘Citrus Fruit Park- A Centre of excellence’ ha Mizoram namar ki jinglong jingman ha kane ka jylla ka iahap bha ia kane ka kam.
