Shillong, Naitung 05: U bah Deimaia Siangshai Editor jong ka kot khubor Mawphor mynta ka sngi u la jop ia ka elekshon kum u president ka Shillong Press Club, u bah Savio Diengdoh trai jong ka T7 u la jop ia ka kam General Secretary khlem da don ba ialeh pyrshah, ia ka kam nongbat pisa la jop da u bah Gershom Hat Editor ka kot khubor Peitngor.
Baroh ki dkhot jong ka Shillong Press kiba don ia ka hok ban jieng ia ki nongkit kam ki dei tang kiba la ioh ia ka jingithuh na ka ka DIPR, kila dei ban ioh thep vote ki don 188 ngut bad kiba la wanthep ia ka vote jong ki kilong 164 ngut, ia ka elelshon la pynlong ha Shillong Press Club hapoh ka jingpyniaid na ka ophis jong ka DIPR.
Ha ka jingkren u Director ka DIPR u M Sangma, u la ai khublei ia kiba la shah jied bad u khmih lynti ba ha kane ka samoi trei kam jong ki lai snem ban wan kane ka kynhun kaba la shah jied kan lah ban pyniaid ia ki kam shakhmat bad u la ai khublei ia baroh kiba la ia shim bynta bad pynlong ka elekshon kaba jop.
Ha ka jingkren u bah Deimaia Sangshai kum u president bala shah jied u la ai khublei ia baroh kiba la wan ban ia shim bynta bad u la ong ba khmih lynti ban ia treilang na ka bynta baroh ki kam kiba ka SPC kan sa bteng nang ne sha khmat, ha kane ka sngi u general secretary bad u nongbat pisa ka SPC kila ai jingkren.
