New Delhi, NNaitung 06: Ka Medical Counselling Committee (MCC), hapoh ka Directorate General of Health Services (DGHS) kam pat pynbna ia ka jingbuh por ia ka counselling jong ka NEET UG bad PG na ka bynta u snem 2024.
Ia ka por counselling ia ka NEET UG bad PG la ju pynbna da ka MCC ha ka website jong ka ha ka nongrim jong ka jingpyndep ia ka eksam bad ka jingbuh ia ki seat da ka National Medical Commission (NMC). Ha ki snem 2021, 2022 bad 2023, ka counselling ia ki UG seat ka la sdang ha ka 19/1/2022, 11/10/2022 bad 20/7/2023.
Ia u snem 2024 ka NMC ka la pyntip ia ka jingbuh ia ki seat na ka bynta UG bad ki PG seat ha ka taiew ba khatduh jong u Jylliew kaba pyni ba kan sa rai ia ki UG seat ha ka taiew ba lai jong u Naitung bad ki PG seat hapdeng u bnai Nailar. Ka MCC kan sa pynbna ia ka jingbuh ia ka por counselling. Kumta, la pynshai ba ka MCC kam pat pynbna ia ka por counselling na ka bynta u snem 2024.
