Shillong, Naitung 06: Mynta ka sngi ka 6 tarik u Naitung 2024, ka Khasi Students’ Union Mawlai Circle hapoh ka jingialam jong u Samla Badon Malngiang, Sport Secretary ka Circle ka lag ioh ban leit kitbok kitwriang ia u Samla Manbhahkupar Malngiang u ban leit kilan met sha Srinagar na ka bynta ka jingpynkhreh ban shim bynta haka Under -17 jong ka South Asian Football Federation (SAFF) Men Championship ka ban long hapoh Ri Thailand.
Ha kane ka sngi ka Seng ka lah ioh ban leit ai mynsiem bad kitbok kitwriang ia une u Samla hapoh ka iing sah ka jong u, na ka liang ka Seng ka lah pynpaw iaka jingsngewkmen ban iohi ba napdeng ka thup ki 31 ngut ki ban ioh leit pyntbit ialade na ka bynta ka jingpynkhreh iakatei.
Ka lympung iakhun lah sakhi ba 2 ngut ki samla khasi ki lah rung hapoh ka thup jong kitei ki 31 ngut bad lyngba kane ka Seng ka sngewdei eh ban kitbok une u Samla bad ha ryngkat ka jingkyntu bad jingkyrmen skhem ba une u Samla un nang iai kiew nang iai trei shitom bad kumjuh ban iai kiew shakhmat ha ka sap kaba une u Samla u don.
