Shillong, Naitung 07: Ki pulit jong ka East Jiantia Hills mynta ka sngi la pyntip ba na ki saw tylli ki met iap kiba la lap na Umpleng, lai ngut na ki la lah ban ithuh mynta ka sngi bad ha dien ba la dep ban leh ia ka post mortem la aiti noh ia ka met sha kiba ha iing ha sem.
Ki lai ngut kiba la ithuh mynta ka sngi ki long, Ravi Rai 23 snem na ka shnong Elam, Mechipradesh, u Rajesh Rai 26 snem na ka shnong Dharan Sunari baroh ar ngut kine ki dei na ka ri Nepal, u wei pat u dei u Nazar Kyndait 33 snem dei na ka shnong Dkiah jong ka East Jaintia Hills District.
Ba dang sah mynta bym pat lah ban ithuh dei sa u wei, ia kine ki saw ngut kiba la shah pyniap dusmon la teh ia ki bad bret ha kawei ka wah ha kaba la lap ha ka sngi Thohdieng bad ia kane la pyntip sha ki pulit ba kin leh ia kaba don kam.
